اسلام آباد(مانیٹرنگ ڈیسک)شبر زیدی چیئرمین ایف بی آر مقرر،وزیر اعظم عمران خان نے صحافیوں سے ملاقات کے دوران اعلان کردیا، نجی ٹی وی کے مطابق وزیر اعظم عمران خان نے شبر زیدی کو چیئرمین ایف بی آر مقرر کردیا ۔یاد رہے ا س سے پہلے حکومت نے احمد مجتبیٰ میمن کا بطور چیئرمین فیڈرل بورڈ آف ریونیو تقرری کا نوٹیفکیشن روک لیا تھا۔ وزارت خزانہ کے ذرائع کا کہنا ہے کہ ہفتے کی شب احمد مجتبیٰ کا نوٹیفکیشن تیار تھا

مگر جاری ہونے سے قبل اسے اچانک روک لیا گیا۔ مشیر خزانہ ڈاکٹر عبدالحفیظ شیخ نے جہانزیب خان کی جگہ پر احمد مجتبیٰ کو چیئرمین ایف بی آر منتخب کیا تھا۔ کسٹمز گروپ کے 15 ویں بیچ کے افسر مجتبیٰ میمن اس وقت ایڈیشنل سیکریٹری فنانس کی حیثیت سے خدمات انجام دے رہے ہیں۔ ہفتے کو وفاقی حکومت نے ڈاکٹر رضا باقر کا بہ طور گورنر اسٹیٹ بینک تقرری کا نوٹیفکیشن جاری کردیا تھا، تاہم احمد مجتبیٰ کا نوٹیفکیشن روک لیا گیاتھا۔

موضوعات:شبر زیدی