’’ را‘‘کے سابق سربراہ سے ملکر مشترکہ کتاب لکھ کر کوئی غیر قانونی کام نہیں کیا،آئی ایس آئی کے سابق سربراہ اسد درانی نے کورٹ مارشل کی کارروائی ہائیکورٹ میں چیلنج کردی

  منگل‬‮ 23 اپریل‬‮ 2019  |  10:26

اسلام آباد(سی پی پی ) آئی ایس آئی کے سابق سربراہ لیفٹیننٹ جنرل (ر) اسد درانی نے کورٹ مارشل کی کارروائی ہائی کورٹ میں چیلنج کر دی۔نجی ٹی وی کے مطابق آئی ایس آئی کے سابق سربراہ لیفٹیننٹ جنرل (ر) اسد درانی نے پنشن اورمراعات ختم کرنے سے متعلق کورٹ مارشل کی کارروائی ہائی کورٹ میں چیلنج کردی۔ اسد درانی نے درخواست میں موقف اختیار ہے کہ کوئی غیر قانونی کام نہیں کیا، ملٹری کورٹ مارشلکی کارروائی غیر قانونی قرار دیتے ہوئے پنشن اور بطورلیفٹیننٹ جنرل انہیں حاصل تمام مراعات بحال کرنے کا حکم دیا جائے۔واضح رہے درخواست گزار نے


بھارتی خفیہ ایجنسی ’’را‘‘ کے سابق چیف سے مل کرمشترکہ کتاب لکھی تھی۔ کتاب میں دہشت گردی، ممبئی حملہ، مسئلہ کشمیر، انٹیلی جنس ایجنسیوں کے کردار پرمتنازعہ تبصرہ کیا تھا جس کے بعد آرمی چیف نے متنازعہ کتاب پر ملٹری کورٹ کو انکوائری کا حکم دیا۔

موضوعات:

loading...