راولپنڈی (آئی این پی) ڈی جی آئی ایس پی آر میجر جنرل آصف غفور نے بھارت کی جانب سے اپنے پائلٹ ابھی نندن کو ایوارڈ دئیے جانے کے اعلان پر ردعمل میں کہا ہے کہ جس طرح ہر بار جھوٹ چھپانے سے وہ سچ نہیں بن جاتا، ابھی نندن سچا اور پیشہ ورانہ سپاہی ہے وہ جعلی ایوارڈ وصول نہیں کرے گا ۔ڈی جی آئی ایس پی آر میجر جنرل آصف غفور نے سماجی رابطے کی ویب سائٹ پر ٹویٹ میں کہا کہ ابھی نندن

سیکنڈ جنریشن کا ایک سچا سپاہی ہے جو پیشہ ورانہ اور ایمانداری کا مظاہرہ کرتے ہوئے قوم پرستانہ جذبات کو غالب نہیں آنے دے گا تاہم اگر ونگ کمانڈر کو دبا ؤمیں لاکر یا مجبور کر کے ایوارڈ دے بھی دیا گیا تب بھی اُس کو سچ میں تبدیل نہیں کیا جاسکتا۔بھارتی میڈیا رپورٹ کے مطابق ایئرفورس کے ونگ کمانڈر ابھی نند کو بھارت نے سب سے بڑے فوجی اعزاز اشوک چکرا دینے جبکہ دیگر دو پائلٹس کو وایو سینا میڈل دینے کا فیصلہ کیا ہے۔

موضوعات:آصف غفور