وفاقی کابینہ میں تبدیلی کے بعد پنجاب کابینہ میں بھی تبدیلی ،وزرا ء کو اپنے عہدوں کی فکر پڑ گئی ،رپورٹ وزیراعظم آفس پہنچ گئی

  جمعہ‬‮ 19 اپریل‬‮ 2019  |  21:47

لاہور( این این آئی )وفاقی کابینہ میں تبدیلی کے بعد پنجاب کابینہ میں تبدیلی کا قوی امکان ہے جس کے بعد وزرا ء کو اپنے عہدوں کی فکر پڑ گئی ہے ۔ذرائع کے مطابق وزیراعظم عمران خان صوبے کی بہتری کے لئے بڑے فیصلوں کاپہلے ہی ارادہ کر چکے ہیں اور اسی تناظر میں پنجاب میں پہلے مرحلے میں بیوروکریسی کی تبدیلی سے ابتدا ء ہو چکی ہے۔ مختلف اداروں نے صوبائی وزرا ء کی کارکردگی رپورٹ وزیراعظم آفس بھیجوا دی اور وزیراعظم کی جانب سے آئندہ چند روز میں پنجاب کابینہ کے بارے اہم فیصلے کئے جانے کا قوی


امکان ہے۔ذرائع کے مطابق پنجاب کی بیوروکریسی میں مزید تبدیلیوں کا امکان ہے اورفہرستیں بھی تیار کر لی گئیں، چیف سیکرٹری پنجاب، چارسیکرٹریز، تین کمشنرز، گیارہ ڈپٹی کمشنرز اور اکتیس اسسٹنٹ کمشنرز کی تبدیلی کا امکان ہے۔ چیف سیکرٹری پنجاب کیلئے میجر (ر)اعظم سلیمان مضبوط امیدوار ہیں۔ میجر ریٹائرڈ اعظم سلیمان اس وقت وفاقی سیکرٹری داخلہ تعینات ہیں۔ واضح رہے جمعرات کے روز وزیراعظم نے وفاقی کابینہ میں ردو بدل کی جس کے بعد وزیرخزانہ اسد عمر سمیت متعدد وزرا سے وزارت واپس لے لی جب کہ کچھ کے قلمدان تبدیل کر دیئے۔

موضوعات:

loading...