راولپنڈی (این این آئی)آرمی چیف جنرل قمر جاوید باجوہ نے واضح کیا ہے کہ پاکستان کے عوام ہی ہماری اصل قوت ہیں، عوام کی تواقعات پر ہمیشہ پورا اتریں گے،روشن مستقبل کیلئے بلوچستان کی حکومت اور عوام کی بھرپور معاونت ہمارا فرض ہے۔جمعرات کو آئی ایس پی آر کے مطابق آپریشن ردالفساد میں پیشرفت اور خوشحال بلوچستان کے تحت سماجی و اوتصادی ترقی سے متعلق منصوبوں سے متعلق بریفنگ دی گئی۔آرمی چیف جنرل قمر جاوید باجوہ نے کہا کہ بلوچستان پاکستان کا مستقبل ہے، روشن مستقبل کیلئے بلوچستان

کی حکومت اور عوام کی بھرپور معاونت ہمارا فرض ہے۔ آرمی چیف جنرل قمر جاوید باجوہ نے کہاکہ پاک فوج نے اندرونی سلامتی کو درپیش خطرات میں کمی کیلیے اہم کردار ادا کیا۔جنرل قمر جاوید باجوہ نے کہاکہ افواج پاکستان نے سرحدوں پر موثر جواب دیا ہے۔ انہوں نے کہاکہ دہشتگردی اور عسکریت پسندی کیخلاف جنگ میں عوام پاک فوج کی مکمل حمایت کرتی ہے۔آرمی چیف نے کہاکہ ہم پاکستان کے عوام کی تواقعات پر ہمیشہ پورا اتریں گے۔انہوں نے کہاکہ پاکستان کے عوام ہی ہماری اصل قوت ہیں۔

موضوعات:جنرل قمر جاوید باجوہ