شریف برادران کے بعدپیپلزپارٹی کیلئے بھی تازہ ہوا کا جھونکا،عدالت نے بڑی خوشخبری سنادی

  منگل‬‮ 26 مارچ‬‮ 2019  |  11:42
اسلام آباد (این این آئی) جعلی بنک اکاونٹس اور میگا منی لانڈرنگ کیس میں قائم علی شاہ کی درخواست ضمانت قبل از گرفتاری منظور۔ درخواست پر سماعت جسٹس عامر فاروق اور جسٹس محسن اختر کیانی پر مشتمل ڈویژن بینچ نے کی ۔قائم علی شاہ اپنے وکیل ملک جاوید اقبال ساتھ عدالت کے روبرو پیش ہوئے ۔ جسٹس عامر فاروق نے کہاکہ کیا یہ میرٹ ہے یا ڈی میرٹ ہے۔جسٹس عامر فاروق نے کہاکہ درخواست گزار سے تفتیش ہوئی ہے کہ نہیں۔ انہوں نے کہاکہنیب نے درخواست گزار سے تفتیش کی ہے ؟ ۔وکیل قائم علی شاہ نے کہاکہ نہیں میرے موکل کو پہلی بار بلایا ہے ۔سماعت کے دور ان دس لاکھ مچلکوں 10لاکھ مچلکوں کے عوض سابق وزیراعلیٰ سندھ کی درخواست عبوری ضمانت قبل ازگرفتاری منظورکرلی گئی ۔واضح رہےکہ آج ہی لاہور ہائیکورٹ نے شہبازشریف کا نام ای سی ایل سے نکالنے کا حکم دیا ہے جبکہ سپریم کورٹ نے نوازشریف کی 6ہفتوں کیلئے طبی بنیادوں پر درخواست ضمانت منظور کرلی ہے ۔

موضوعات:

loading...