اسلام آباد (مانیٹرنگ ڈیسک)پاکستان سمیت دنیا بھرمیں یوم پاکستان بھرپور جوش و خروش کیساتھ منایا جارہا ہے ۔ یوم پاکستان کے موقع پر مرکزی تقریب کا انعقاد وفاقی دارالحکومت میں شکرپڑیاں کے مقام پر کیا گیا جہاں پاک فوج کے دستوں نے شاندار پریڈ کا مظاہرہ کیا۔ملائیشیا کے وزیراعظم مہاتیر محمد اس تقریب کے مہمان خصوصی تھے جبکہ وزیراعظم عمران خان، صدر مملکت عارف علوی، مسلح افواد کے سربراہان سمیت اہم سیاسی رہنماءبھی اس

تقریب میں شریک تھے۔ وفاقی وزیر ریلوے شیخ رشید تقریب میں شرکت کیلئے پریڈ گراؤنڈ پہنچے تو وہاں کھڑے فوجی اہلکار ان سے ملنے آن پہنچے اور سیلفیاں بنانے لگے۔شیخ رشید نے بھی خوش دلی سے فوجی جوانوں کیساتھ سیلفیاں بنائیں اور انہیں یوم پاکستان کی مبارکباد بھی دیتے رہے جس کے بعد انہوں نے یہ ویڈیو ٹوئٹر پر بھی جاری کی جو خوب وائرل ہو رہی ہے ۔ صارفین کی جانب سے کھل کر ردعمل کا اظہار کیاجارہا ہے ۔

موضوعات:شیخ رشید