اسلام آباد(مانیٹرنگ ڈیسک)سینئرصحافی اور تجزیہ کار چوہدری غلام حسین کا کہنا ہے کہ مسلم لیگ ن کے رہنما حنیف عباسی منشیات کیس میں قید ہیں۔ہم دو مہینے سے سن رہے ہیں کہ وہ دو ارب روپے دے کر وکیل کریں گے۔ اب یہ اطلاعات ہیں کہ حنیف عباسی کا کیس جہاں منگوانا تھا اور جہاں لگوانا تھا وہ لگ چکا ہے۔اب اس ملک میں انصاف کہاں سے ملے گا؟ یہاں تو انصاف کا خون ہو رہا ہے۔اب ہم کہاں کہاں سابق چیف جسٹس کو یاد کریں گے،دوسری جانب

معروف صحافی عارف حمید بھٹی کا کہنا ہے کہ جس شخص پر منشایت فروشی کا الزام لگا اور وہ اسی کیس میں اندر ہے وہ انڈر ہینڈ چند دن پہلے ملاقات کر کے آفر کر چکا ہے کہ میں پیسے دینے کو تیار ہوں۔عارف حمید بھٹی کا کہنا تھا کہ جس ملک میں منشیات فروشوں کے ساتھ سودا بازی ہو گی تو پھر وہاں قانون پر عمل درآمد کیسے ہو سکتا ہے ؟۔کیا اس ملک کو منشیات کی منڈی بنانا ہے۔یادرہے حنیف عباسی ایفیڈرین کیس میں سزا بھگت رہے ہیں۔

موضوعات:حنیف عباسی