اسلام آباد، راولپنڈی(مانیٹرنگ ڈیسک)میٹرو بس اور سٹیشن میں دہشتگردوں کے داخلے کی اطلاعات، جڑواں شہروں میں میٹرو بسیں اور سٹیشن شہریوں اور سٹاف سے خالی کروا لئے گئے، سروس معطل۔ تفصیلات کے مطابق جڑواں شہروں میں فوری طور پر میٹرو بس سروس کو معطل کر کے شہریوں اور سٹاف کو میٹرو بسیں اور سٹیشن چھوڑ دینے کا حکم دیدیا گیا ہے۔ موصول ہونیوالی غیر مصدقہ اطلاعات کے مطابق انتظامیہ نے دہشتگردوں

کے میٹرو بس اور سٹیشن میں داخلے کی اطلاع پر فوری طور پر میٹرو بس سروس کو معطل کرتے ہوئے میٹرو بسوں کو جہاں ہیں وہیں پر رکنے اور شہریوں اور سٹاف کو فوری طو رپر میٹرو بس اور سٹیشنز سے باہر نکل جانے کا حکم دیدیا ہے جس کے بعد شہریوں اور میٹرو سٹاف نے میٹرو بس اور سٹیشنز کو خالی کرنا شروع کر دیا ہے جبکہ میٹرو سروس کو بھی فوری طور پر معطل کر دیا گیا ہے جو کہ تا حکم ثانی معطل رہے گی۔

موضوعات:اسلام آباد راولپنڈی میٹرو میٹرو بس سروس معطل