لاہور(مانیٹرنگ ڈیسک )سابق وزیر صحت پنجاب خواجہ سلمان رفیق نے نیب حوالات میں آپ بیتی لکھنا شروع کردی، صحافیوں کے وفد نے ان سے جب حوالات سے متعلق صورتحال پوچھی تو سلمان رفیق نے بتایا کہ وہ یہاں مطمئن اورکوئی تنگی نہیں،نیب افسروں کا رویہ میرے ساتھ بہتر ہے ۔سیاہ لباس زیب تن کئے سابق صوبائی وزیر صحت گدے پر بیٹھ کر آپ بیتی لکھنے میں مصروف تھے ،ان کا کہنا تھا کہ کتاب میں نیب کے حالات، سیاسی معاملات، خاموشیاں، سرگوشیاں اور ہلکا ہلکا ٹریفک کا شور

تک بھی لکھ رہا ہوں۔روزنامہ دنیا کے مطابق سابق وفاقی وزیر ریلوے  سعد رفیق کا گزشتہ صبح گھر سے ناشتہ نہ پہنچ سکا جس پر انہوں نے ڈیوٹی پر مامور آفیسر سے پنجابی میں کہا کہ پلیوں ای کرا دو ناشتہ۔ سعد رفیق سے جب ریلوے انجنوں کی خریداری سے متعلق پوچھا گیا کہ یہی انجن بھارت نے 25کروڑ میں خریدا اور آپ نے 40 کروڑ ادا کئے اس پر ان کا کہنا تھا کہ ہمارا آرڈر کم ہونے کی وجہ سے مہنگا انجن خریدنا پڑا۔ واضح رہے کہ ضمانت منسوخ ہونے پر خواجہ برادران کو گرفتار کرلیا گیا تھا۔

موضوعات:خواجہ برادران