چیئرمین پی اے سی کا اعلان ، حکومت نے شہبازشریف کو ناقابل یقین آفر کردی

13  دسمبر‬‮  2018

اسلام آباد (آئی این پی) وزیرخارجہ شاہ محمود قریشی نے کہا ہے کہ شہباز شریف نیب کے کیسز سے دوچار ہیں وہ کیسز غلط ہیں یا صحیح اپنا دفاع کریں گے، نیب کا اس ایوان سے تعلق نہیں، یہ ماضی کے کیسز ہیں، پی ٹی آئی کا اور اسکی حکومت کا بھی ان کیسز سے کوئی تعلق نہیں ، قائد حزب اختلاف کو جس پر اعتماد ہو اسے چیئرمین کیلئے نامزد کردیں، اپوزیشن سمجھتی ہے کہ حکومت کو ہی ذمہ دار ٹھہرائے گی تو یہ درست نہیں۔

جن کا جمہوری ذہن ہو گا وہ چاہے گا ایوان چلے، جس کا ذہن نہیں ہو گا وہ کہے گا میں نہیں تو کچھ نہیں، ہاؤس کے تقدس کو پامال نہ کرنا ہم سب کی ذمہ داری ہے، اپوزیشن کبھی حکومت میں آتی ہے اور کبھی حکومت اپوزیشن بنتی ہے۔جمعرات کو ایوان میں اظہار خیال کرتے ہوئے وزیرخارجہ شاہ محمود قریشی نے کہا کہ اسپیکر قومی اسمبلی نے شہباز شریف کے پروڈکشن آرڈرجاری کئے جس پر وہ قومی اسمبلی کے اجلاس میں آئے، یہ ایوان ہم سب کا ہے، اس ایوان کے قوانین کا احترام ہم سب پر لازم ہے، حالات چلتے رہتے ہیں، اپوزیشن کبھی حکومت میں آتی ہے اور کبھی حکومت اپوزیشن بنتی ہے، یہ اتار چڑھاؤ رہتا ہے، ہاؤس کے تقدس کو پامال نہ کرنا ہم سب کی ذمہ داری ہے، بات آگے چلے گی تو ایوان چلے گا، ہمیں لوگوں نے منتخب کر کے یہاں بھیجا ہے، ہمیں لوگوں نے اس لئے چنا تا کہ ہم اپنا اپنا نقطہ نظر یہاں رکھیں، یہی جمہوریت ہے، ایوان میں دونوں طرف سنجیدہ رویہ کی ضرورت ہے، حکومت کی طرح اپوزیشن کی بھی ذمہ داریاں ہیں، اگر ہم یہاں آ کر ہنگامہ کھڑا کر دیں تو اس سے نقطہ نظر پورا نہیں ہو گا، ایوان کے فلور پر کی گئی بات کی اہمیت اور افادیت ہوتی ہے، دونوں طرف سنجیدہ رویے کی ضرورت ہے، ہمیں اپنے آپ کو حدود و قیود میں رکھنے کی ضرورت ہے، آئیے بیٹھ کر ایسا راستہ نکالیں تا کہ نظام چل سکے اور ہم بہتری کی جانب چلیں، جب یہ اسمبلی وجود میں آئی تو اپوزیشن نے احتجاج کیا۔

اپوزیشن کو انتخابات پر اعتراض تھا، حکومت نے پھر بھی ایک راستہ نکالا، حکومت نے معاملے کی چھان بین کیلئے کمیٹی بنا دی۔ شاہ محمود قریشی نے کہا کہ اپوزیشن سمجھتی ہے کہ حکومت کو ہی ذمہ دار ٹھہرائے گی تو یہ درست نہیں، جن کا جمہوری ذہن ہو گا وہ چاہے گا ایوان چلے، جس کا ذہن نہیں ہو گا وہ کہے گا میں نہیں تو کچھ نہیں، پارلیمنٹ کی سٹینڈنگ کمیٹی کے بغیر پارلیمنٹ کیسے فنکشنل ہو سکتا ہے، میں اپوزیشن کے بینچوں اور اپنے بینچوں سے گزارش کرتا ہوں کہ ان سٹینڈنگ کمیٹیوں کا بننا جمہوریت اور پارلیمنٹ کی ضرورت ہے۔

ان کمیٹیوں میں اپوزیشن کا رول ہوتا ہے، پبلک اکاؤنٹس کمیٹی کا معاملہ آگیا، اپوزیشن لیڈر کے علاوہ بھی پبلک اکاؤنٹس کمیٹی کے چیئرمین بنتے رہتے ہیں، قائد حزب حزب اختلاف نیب کے کیسز سے دوچار ہیں، وہ کیسز غلط ہیں، صحیح ہیں وہ اپنا دفاع کریں گے، نیب کا اس ایوان سے تعلق نہیں، یہ ماضی کے کیسز ہیں، پی ٹی آئی کا اور اس کی حکومت کا ان کیسز سے کوئی تعلق نہیں ہے، قائد حزب اختلاف کو جس پر اعتماد ہو اسے چیئرمین کیلئے نامزد کردے،ہم ان کے فیصلے پر کوئی انا کا مسئلہ نہیں بنائیں گے، اپوزیشن کے معزز ممبران اس معاملے پر تقاضا کرتے رہے کہ قائد حزب اختلاف کو ہی چیئرمین ہونا چاہیے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…