اسلام آباد(مانیٹرنگ ڈیسک)وفاقی کابینہ کا دھماکہ خیز اور اہم ترین اجلاس وزیراعظم عمران خان کی زیر صدارت شروع، دن بھر جاری رہنے کا امکان، وزرا کی کارکردگی کی بنیاد پر ان کے قلمدان کی تبدیلی کا امکان۔ تفصیلات کے مطابق وفاقی کابینہ کا دھماکہ خیز اور اہم ترین اجلاس آج وزیراعظم عمران خان کی زیر صدارت شروع ہو چکا ہے جو کہ دن بھر جاری رہنے کا امکان ہے۔ اجلاس میں وزیر اعظم تمام وفاقی وزراتوں، ڈویژنز اور مشیروں متعلقہ محکمے کی تین ماہ کی کارکردگی پر بریفنگ

لے رہے ہیں۔وزیراعظم آفس میں تفصیلی بریفنگ کے بعد 5 سے 7 منٹ تک ون آن ون سوالات اور جوابات کے ہوں گے۔ذرائع کے مطابق تمام وزارتوں اور ڈویژنز آئندہ کے منصوبوں اور اقدامات بارے بھی آگاہ کریں گے، وزیر اعظم نے کابینہ کے خصوصی اجلاس کے لیے اپنی دیگر مصروفیات منسوخ کر دی ہیں۔ذرائع نے یہ بھی بتایا کہ اس اجلاس میں وزیراعظم کابینہ ارکان کی کارکردگی کا جائزہ بھی لے رہے ہیں، جبکہ وزراء کی کارکردگی کی بنیاد پر ان کے قلمدان تبدیلی کا بھی امکان ہے۔

موضوعات:وزیراعظم عمران خان