اسلام آباد (آن لائن)وزیر اعظم کی بہن علیمہ خان کے ٹیکس معاملات کی پروسیڈنگ شروع کر دی گئی ہے جس کی ہدایت چیف جسٹس ثاقب نثار نے لاہور رجسٹری میں کی تھی ۔ علیمہ خان کی دولت اثاثوں اور املاک کے بارے میں سی آر ٹی اور ندیم رضوی کی زیر نگرانی آئندہ ہفتے شروع ہو گی۔

علیمہ خان جن کے بارے میں سی آر ٹی او لاہور کے کمشنر / ڈپٹی کمشنر / ایڈیشنل کمشنر نے چیف جسٹس کو رپورٹ دی ہے کہ علیمہ خان نے دبئی کی اپنی جائیداد جسے وہ فروخت کر چکی ہیں کی رقم ایمنسٹی لے رکھی ہے ۔ انہوں نے جتنے کروڑ میں جائیداد بیچی اتنے کروڑ کی رقم کو منقولہ و غیر منقولہ املاک کی ٹیکس ایمنسٹی سکیم میں پانچ فیصد ٹیکس جمع کروا کر بلیک سے وائٹ کر لیا ہے ٹیکس ایمنسٹی سکیم جو نواز شریف نے جاری کی تھی سے فائدہ اٹھا کر علیمہ خان نے اس پراپرٹی کو وائٹ کر لیا ہے ۔جس کا ذریعہ نیب ، ایف آئی اے ، سٹیٹ بنک علیمہ خان سے پوچھنے کا مجاز نہیں چونکہ سکیم میں ساورن گارنٹی دی گئی تھی ۔ لاہور کے کارپوریٹ ریجنل ٹیکس آفیسر ندیم رضوی یا ان کا عملہ علیمہ خان سے اگلے ہفتے دریافت کریں گے کہ وہ تحریری بیان کریں کہ دبئی کی مذکورہ پراپرٹی کی فروخت کے بعد ان کے پاس کوئی دوسرا ایسٹ ہے یا نہیں ۔ علیمہ کا براہ راست یا وکیل کے ذریعے جواب آنے پر کارپوریٹ ریجنل ٹیکس آفس لاہور ندیم رضوی کی زیر ہدایت علیمہ کے خلاف ٹیکس پروسیڈنگ آگے چلائیں گے ۔

موضوعات:علیمہ خان