لاہور (مانیٹرنگ ڈیسک)تحریک انصاف کے رہنما و وفاقی وزیر مملکت برائے داخلہ شہریار آفریدی اور مولانا طارق جمیل کے درمیان ہونی والے ملاقات سوشل میڈیا پر وائرل ہو گئی ۔ تفصیلات کے مطابق وفاقی وزیر مملکت شہر آفریدی اور مولانا طارق جمیل کے مابین ملاقات ہوئی ہے جس میں وفاقی وزیرعقیدت مندانہ الفاظ میں مولانا طارق جمیل سے بات کرتے ہوئے کہا ہے کہ آپ کو میں اپنے والدین کی طرح سمجھتا ہوں ، اللہ پاک آپ کا سایہ ہم پر قائم رکھے ،

ہم آپ کے پائوں کی خاک کے برابر بھی نہیں ہے ۔ وفاقی وزیر نے مولانا طارق جمیل سے مزید کہا کہ جب بھی آپ کی بیماری کے بارے میں سنتا ہوں تو نماز حاجت پڑھ کر آپ کی صحت یابی کیلئے دعا کرتا ہوں ، دل کرتا ہے کہ میں آپ کیساتھ بیٹھا رہوں اور خواہش ہے کہ پارلیمنٹیرینز آپ سے کورس کریں یہ سنتے ہی مولانا طارق جمیل مسکراٹھتے ہیں ۔ ان کا مزید کہنا تھا کہ جب جمہوریت صحیح ہو تو پھر اللہ کی مدد آتی ہے ۔ کے پی کے سے سود ختم ہے ، انشااللہ وفاق سے سود ختم کر کے دکھائیں گے ۔میں ابھی قطر گیا تھا وزیراعظم عمران خان نے میرا ہاتھ پکڑ کرلوگوں سے تعارف کرواتے رہے ۔ ہماری تمام میٹنگز کا اغاز تلاوت قرآن پاک سے اور اختتام نبی کریم ؐ پر درود پاک سے ہوتا ہے ۔ وفاقی وزیر کا کہنا تھا کہ ہم پاکستان اور عوام عزت بنانا چاہتے ہیں ۔ اس وقت ہماری حکومت ایک کڑے امتحان سے گزر رہی ہے لیکن ہم گھبرا نہیں رہے بلکہ ڈٹ کر مقابلے کیلئے تیار ہیں۔ اس موقعے پر مولانا طارق جمیل نے وفاقی وزیر شہریار آفریدی کے کام کی تعریف کی اور انہیں دعائیں بھی دیں ۔

موضوعات:شہریار آفریدی ،مولانا طارق جمیل