اسلام آباد(آن لائن) سابق وزیر اعظم میاں محمد نواز شریف نے صحافیوں سے گفتگو کرنے سے گریز کرنے کا فیصلہ کر لیا ہے،منگل کے روز نوازشریف اسلام آباد کی احتساب عدالت میں پیش کیلئے پہنچے تو صحافیوں نے میاں نوازشریف سے سوال کیا کہ موجودہ سیاسی منظر نامے اور ملاقاتوں کو کیسے دیکھ رہے ہیں تو سابق وزیراعظم نے کہا کہ اس سوال کا جواب مریم اورنگزیب دیں گی،جس پر مریم اورنگزیب نے میاں نواز شریف کی جگہ

صحافی کو جواب دیا کہ حکومت کی نااہلی برقراررہی تو سیاسی منظر نامہ تبدیل ہوگا،صحافی نے پھر سابق وزیر اعظم نوازشریف سے سوال کیا کہ آصف زرداری آپ سے ملاقات کے لیے تیار ہیں، کیا آپ بھی ملیں گے؟،جس پر نواز شریف نے پھر کہا کہ زرداری صاحب سے ملاقات سے متعلق سوال کا جواب بھی مریم اورنگزیب ہی دیں گی۔جس پر ایک بار پھر مریم اورنگزیب نے جواب دیا کہ آصف زرداری کے بیان کا پارٹی سطح پر جائزہ لے رہے ہیں۔

موضوعات:نوازشریف