غربت کی ماری اور مہنگائی سے تنگ عوام کیلئےبڑی خبر وزیراعظم عمران خان آج قوم کو کیا خوشخبری سنانے والے ہیں ؟

  اتوار‬‮ 21 اکتوبر‬‮ 2018  |  13:43

اسلام آباد (آئی این پی) وزیراعظم عمران خان (آج)قوم سے خطاب کریں گے، خطاب کے دوران عوام کو غربت کم کرنے سے متعلق بنائی گئی حکومتی پالیسی سے متعلق آگاہ کیا جائے گا۔ تفصیلات کے مطابق وزیراعظم عمران خان (آج)اتوار کو قوم اسے خطاب کریں گے۔ وزیراعظم عمران خان اپنے خطاب کے دوران قوم کو حکومتی اقدامات اور پالیسیوں سے متعلق اعتماد میں لیں گے۔جبکہ وزیراعظم عمران خان قوم کو حکومت کی جانب سے بنائی گئی غربت میں کمی سے متعلق پالیسی کے بارے میں بھی آگاہ کریں گے۔وزیراعظم عمران خان اپنے خطاب کے دوران قوم کو گزشتہ 60 دن

کے حکومتی اقدامات اور کارگردگی سے متعلق بھی آگاہ کریں گے۔ وزیراعظم عمران خان تحریک انصاف کی حکومت آنے کے بعد سے آنے والے مہنگائی کے طوفان سے متعلق وجوہات بیان کرنے کے علاوہ آئندہ مہنگائی میں کمی لانے کے حوالے سے اپنا لائحہ عمل بھی قوم کے سامنے رکھیں گے۔ وزیراعظم عمران خان کا خطاب (آج) اتوار کی شب نشر کیا جائے گا۔ خطاب تمام قومی ٹی وی چینلز اور سوشل میڈیا پر ایک ہی وقت میں نشر کیا جائے گا۔

موضوعات:

آج کی سب سے زیادہ پڑھی جانے والی خبریں