لاہور(سی پی پی)لاہور ہائیکورٹ نے مسلم لیگ ن کے رہنما خواجہ آصف کی نااہلی کیلئے دائر درخواست سماعت کیلئے منظور کر لی ،عدالت نے لیگی رہنما خواجہ آصف اور الیکشن کمیشن کو نوٹسز جاری کر دیئے۔تفصیلات کے مطابق این اے 73 سے پی ٹی آئی رہنما عثمان ڈار نے الیکشن ٹربیونل میں انتخابی عذرداری دائرکی تھی۔

جسٹس مامون الرشید نے انتخابی عذرداری کی سماعت کی،پی ٹی آئی رہنما نے عدالت کے رو برو موقف اختیار کیا کہ خواجہ آصف نے کاغذات نامزدگی کیساتھ غیرتصدیق شدہ بیان حلفی جمع کرایا،این اے 73 سے خواجہ آصف کی کامیابی کا نوٹیفکیشن کالعدم قرار دیا جائے، الیکشن کمیشن کا عملہ الیکشن ایکٹ پر عملدرآمد میں ناکام رہا۔

موضوعات:خواجہ آصف لاہور ہائیکورٹ