اسلام آباد(مانیٹرنگ ڈیسک) وزیراعظم عمران خان نے اپنے دوست زلفی بخاری کو معاون خصوصی برائے سمندر پار پاکستانی مقرر کر دیا۔ وزیراعظم ہائوس سے جاری نوٹیفکیشن کے مطابق زلفی بخاری کی بطور وزیراعظم کے معاون خصوصی برائے سمندر پار پاکستانی کی تقرری کر دی گئی ہے۔نجی ٹی وی جیو نیوز کی رپورٹ کے مطابق زلفی بخاری کو وزیر مملکت کا درجہ دیا گیا ہے۔ وزیراعظم نے

زلفی بخاری کو سمندر پار پاکستانیوں سے متعلق مفصل رپورٹ تیار کرنے کی ہدایت کی ہے جب کہ وہ بیرون ملک پاکستانیوں کے ڈیم فنڈ سے متعلق امور کو بھی دیکھیں گے۔دوسری جانب اس وقت سمندر پار پاکستانیوں کی وزارت وزیراعظم کے پاس موجود ہے جب کہ ایم کیوایم کے رہنما عامر خان نے گزشتہ روز دعویٰ کیا یہ وزارت ایم کیو ایم کو ملے گی جس کے وزیر امین الحق ہوں گے۔

موضوعات:زلفی بخاری