اب واضح ہو جائے گا کہ پاکستان کیسے چلے گا؟ وزیراعظم عمران خان نے اقتدار سنبھالنے کے بعد سب سے بڑے اقدام کا اعلان کردیا

  اتوار‬‮ 16 ستمبر‬‮ 2018  |  21:07

کراچی (این این آئی) وزیر اعظم عمران خان نے کہا ہے کہ ملک سے کرپشن کا خاتمہ حکومت کی اولین ترجیح ہے ،۔ملک میں ڈیمز ہر صورت بنیں گے۔وفاقی وزیر خزانہ اسد عمر کل(منگل) منی بل پیش کریں گے۔منی بل واضح ہو گا کہ ملک کس طرح چلے گا۔اتوار کوکراچی میں میڈیا مالکان، اینکرز اور نمائندوں سے گفتگوکرتے ہوئے وزیر اعظم عمران خان نے کہا کہ ملک میں ڈیمز کا بننا بہت ضروری ہے۔حکومت ہر صورت میں ڈیمز بنائے گی۔ میڈیا ڈیمز سے متعلق شہریوں کو آگاہی فراہم کرے۔ وزیراعظم نے کہا کہملک سے کرپشن کا خاتمہ حکومت کی اولین

ترجیح ہے، ہم شاہ خرچیاں ختم کر کے سادہ زندگی گزاریں گے۔ وزیر اعظم نے کہا کہ میں آپ کو یقین دلاتا ہوں کہ ملک میں جلد تبدیلی آنے والی ہے۔وزیر اعظم نے کہا کہ وزیر اعظم ہاو س کی لگژری گاڑیوں کی نیلامی جلد ہوگی۔وزیر اعظم نے کہا کہ وفاقی وزیر خزانہ اسد منگل کو منی بل پیش کریں گے۔ منی بل سے واضح ہو جائے گا کہ پاکستان کیسے چلے گا۔ وزیر اعظم نے میڈیاکے کردار کو سراہا اور امید ظاہر کی کہ پاکستانی میڈیا سچ سامنے لاتا رہے گا۔

موضوعات: