شہباز شریف کے کتنی بڑی تعداد میں گھروں کو وزیراعلیٰ ہاؤس قرار دیا گیا تھا؟ صرف وزیراعظم ہاؤس میں کتنے ملازمین ہیں؟ حیرت انگیز انکشافات، بڑے پیمانے پر تبدیلیوں کا فیصلہ

  پیر‬‮ 13 اگست‬‮ 2018  |  22:40

اسلام آباد (مانیٹرنگ ڈیسک) حکومت اخراجات کو کم کرنے کے لیے کمیٹی قائم کر دی گئی ہے جو اپنی تجاویز دے گی، یہ بات تحریک انصاف کے ترجمان فواد چوہدری نے میڈیا نمائندوں سے گفتگو کرتے ہوئے کہی، انہوں نے کہا کہ ماضی میں گورنر اور وزیر اعلیٰ ہاؤسز کے اخراجات زیادہ تھے اور شہباز شریف کے 7 گھروں کو وزیراعلیٰ ہاوس قرار دیا گیا تھا، فواد چوہدری نے کہا کہ عمران خان کسی قسم کا پروٹوکول نہیں لیں گے اور عمران خان کی سکیورٹیکا خاص خیال رکھا جائے گا۔ تحریک انصاف کے ترجمان فواد چوہدری نے مزید کہا کہ

وزیراعظم ہاؤس میں 530 ملازمین تعینات ہیں اور ایک ایک وزیر کے پاس دس دس گاڑیاں ہیں۔ انہوں نے کہا کہ میاں نواز شریف اور اسحاق ڈار نے معیشت کو تباہ کرکے رکھ دیا ہے اور ہمیں جس حال میں معیشت ملی ہے، ہم وائٹ پیپر جاری کریں گے۔ انہوں نے کہا کہ عمران خان ایوان میں سوالوں کے جواب دیں گے اور فیصلوں کا مرکز پارلیمنٹ کو بنایا جائے گا۔

موضوعات: