مری(این این آئی)انتخابی مہم کے دوران سابق وزیراعظم شاہد خاقان عباسی کے قافلے پر مشتعل افراد نے پتھراؤ کردیا تاہم سابق وزیراعظم اس واقعے میں محفوظ رہے ہیں۔میڈیا رپورٹ مطابق سابق وزیراعظم شاہد خاقان عباسی یوسی گہل کے علاقہ کوہٹی کاکڑائی میں انتخابی مہم کے سلسلے میں پہنچے تو بعض مشتعل افراد نے ان کے قافلے پر پتھراؤ کردیا، سنگ باری کرنے والے افراد مقامی سطح پر بنیادی سہولیات کی عدم فراہمی اور ترقیاتی کام نہ ہونے پر مشتعل تھے۔

پتھراؤ کے باعث قافلے میں شامل ایک نوجوان زخمی ہوا جس کی شناخت بشارت عباسی کے نام سے ہوئی ہے ٗ اس واقعے میں سابق وزیراعظم محفوظ رہے ہیں۔عینی شاہدین کے مطابق جیسے ہی شاہد خاقان عباسی کا قافلہ کارنر میٹنگ کے لیے رْکا تو چند نوجوانوں نے پتھراؤ کردیا اور ان کے خلاف نعرے لگائے، سابق وزیراعظم کو پولیس اور پارٹی کارکنان باحفاظت لے گئے۔ناخوشگوار صورتحال سے نمٹنے کے لیے پولیس کی بھاری نفری تعینات کردی گئی ہے۔

موضوعات:شاہد خاقان عباسی