مائنس نوازشریف، حکمران جماعت میں بڑی تبدیلی کا امکان

  منگل‬‮ 15 مئی‬‮‬‮ 2018  |  13:52

اسلام آباد(مانیٹرنگ ڈیسک،سی پی پی)موجودہ سیاسی صورتحال کے باعث حکمران جماعت مسلم لیگ(ن) میں بڑی اندرونی تبدیلیوں کا امکان بڑھ گیا ۔سابق وزیر اعظم میاں نواز شریف بھی مانئس ہوسکتے ہیں۔نجی ٹی وی کے مطابق  نواز شریف کی جانب سے ممبئی حملے پر بیان بازی نے ملکی سالمیت کے ساتھ ساتھ خود (ن) لیگ کی سیاسی ،سماجی اور اخلاقی قد کاٹھ کو کاری ضرب لگائی ہے جس کے تناظر میں پارٹی کے لیے (ن)لیگی قائد کےبیان پردفاعی بیانات بھی مزید مشکلات کا باعث بن رہے ہیں دوسری جانب (ن)لیگ کے صدر شہباز شریف کی جانب سے قائد کے بیان کو

پارٹی ڈسپلن سے الگ قراردینے کے بعد بہت سے معاملات کھل کر سامنے آرہے ہیں۔اس سلسلے میں ذرائع کا کہنا ہے کہ آئندہ عام انتخابات میں ن لیگ کی جیت کے لیے ضروری ہوگیا ہے کہ بولڈ فیصلے کیے جائیں یہ بھی ہوسکتا ہے کہ نوازشریف کو سیاست سے مائنس کرنے کے بعد ان کو (ن) لیگ سے بھی مائنس کردیا جائے ۔دریں اثناء مسلم لیگ ن لیگ نے الیکشن کیلئے ٹکٹ فارم بھی جاری کردیئے ہیں۔درخواستیں 25مئی تک پارٹی سیکرٹریٹ ماڈل ٹاون میں جمع کرائی جاسکیں گی۔تفصیلات کے مطابق عام انتخابات میں مسلم لیگ ن کے ٹکٹ کے  حصول کے خواہشمند امیدواروں کیلئے مسلم لیگ ن لیگ نے الیکشن ٹکٹ فارم جاری کردیئے۔ قومی اسمبلی کے ٹکٹ کیلئے فیس50 ہزارروپے جبکہ قومی اسمبلی کی مخصوص نشستوں کیلئے فیس ایک لاکھ روپے رکھی گئی ہے،پارٹی ذرائع کے مطابق صوبائی اسمبلی کے ٹکٹ کی فیس 30ہزارجبکہ مخصوص نشستوں کیلئے 75ہزار روپے مقرر کی گئی ہے۔

موضوعات:

آج کی سب سے زیادہ پڑھی جانے والی خبریں