اسلام آباد  (نیوز ڈیسک)نوازشریف کے ممبئی حملوں کے حوالے سے میڈیا پر چلنے والے گمراہ کن بیانات ،قومی سلامتی کمیٹی کا اجلاس ، آئی ایس پی آرنے اہم ترین اعلان کردیا، تفصیلات کے مطابق پاک فوج کے شعبہ تعلقات عامہ (آئی ایس پی آر)نے کہا ہے کہ قومی سلامتی کمیٹی کا اجلاس (آج) پیر کی صبح ہو گا۔آئی ایس پی آر کی جانب سے جاری بیان میں کہا گیا ہے کہ پاک فوج نے وزیراعظم کو قومی سلامتی کمیٹی

کا اجلاس بلانے کی تجویز پیش کی جو (آج)پیر کی صبح ہو گا۔ڈی جی آئی ایس پی آر میجر جنرل آصف غفور کی جانب سے سوشل میڈیا پر بتایا گیا کہ قومی سلامتی کمیٹی کے اجلاس میں ممبئی حملوں کے حوالے سے میڈیا پر چلنے والے گمراہ کن بیانات کے حوالے سے تبادلہ خیال کیا جائے گا، واضح رہے کہ سابق وزیراعظم نوازشریف کے انٹرویو کے حوالے سے پورے ملک میں شدید تشویش پائی جاتی ہے ۔

موضوعات:آئی ایس پی آر