اسلام آباد (مانیٹرنگ ڈیسک)نیب کے فیصلوں نے شریف خاندان کی مشکلات میں اضافہ کر دیا۔ نجی ٹی وی  کے مطابق نواز شریف سے مشاورت کے لیے وزیر اعظم نیپال سے سیدھا جاتی عمرہ جائیں گے۔ انہیں اسلام آباد کی بجائے لاہور لینڈ کرنے کا کہا گیا ہے۔ ،تفصیلات کے مطابق نواز شریف کاا نام ای سی ایل میں ڈالنے کے لیے محکمہ داخلہ پر دباؤ بڑھ گیا ہے۔دوسری جانب نیب کے حالیہ اقدامات کے بعد شریف خاندان نے آئندہ کی حکمت مرتب کرنے کے لیے

وزیر اعظم شاہد خاقان عباسی کو رائے ونڈ طلب کیا جہاں اس سلسلے میں مشاورت کی جائے گی۔ احتساب عدالت کو دی جانے والی ڈیڈ لائن آئندہ کچھ دنوں میں ختم ہو رہی ہے اور احتساب عدالت کے ممکنہ فیصلے پر مشاورت کے لیے آج رائے ونڈ میں اہم اقدامات اٹھانے کے لیے اجلاس ہوگا۔ مشاورتی اجلاس میں مریم نواز، پرویز رشید اور دیگر سینئیر رہنما شریک ہوں گے۔واضح رہے کہ گزشتہ روز نیب نے شریف فیملی کیخلاف مزید ریفرنسز دائر کرنے کی منظوری دی تھی۔

موضوعات:وزیر اعظم