لاہور (مانیٹرنگ ڈیسک) سینٹ میں پنجاب کی 12 نشستوں میں سے 7 جنرل نشستیں، دو خواتین کی مخصوص نشستیں، دو ٹیکنوکریٹ اور ایک اقلیتی نشست پر انتخاب ہوئے۔ ان بارہ نشستوں پر انتخاب کے لیے پنجاب سے 20 امیدواروں نے حصہ لیا۔

غیر حتمی و غیر سرکاری نتائج  کے مطابق پنجاب سے (ن) لیگ کے حمایت یافتہ 11 امیدوار کامیاب ہوگئے ہیں۔ ایک سیٹ پی ٹی آئی کے چوہدری سرور کے نام ہوئی۔یاد رہے کہ پنجاب اسمبلی میں ارکان کی تعداد 371 ہے۔ یہاں سے منتخب ہونے والے 7 امیدواروں میں ہر امیدوار کو کامیابی کے لیے 53 ووٹ درکار تھے۔ خواتین کی دو، علما اور ٹیکنوکریٹس کی دو اور اقلیتوں کی ایک نشست پر سب سے زیادہ ووٹ لینے والے سینیٹرز براہ راست منتخب ہوئے،جنرل نشست پر مسلم لیگ ن کے حمایت یافتہ مصدق ملک، زبیر گل، شاہین خالد بٹ، ڈاکٹر آصف کرمانی، رانا مقبول احمد اور ہارون اختر کامیاب ہوئے، خواتین کی نشستوں پر سعدیہ عباسی اور نزہت صادق کامیاب رہیں، ٹیکنو کریٹ سیٹ پر اسحاق ڈار اور حافظ عبدالکریم کامیاب ہوئے،اقلیتی نشست کامران مائیکل کے حصے میں آئی۔ایک نجی ٹی وی چینل کی رپورٹ کے مطابق پنجاب اسمبلی میں 368 اراکین نے ووٹ ڈالے اور یہ 100 فیصد ووٹر ٹرن آؤٹ ہے۔  سینٹ میں پنجاب کی 12 نشستوں میں سے 7 جنرل نشستیں، دو خواتین کی مخصوص نشستیں، دو ٹیکنوکریٹ اور ایک اقلیتی نشست پر انتخاب ہوئے۔ ان بارہ نشستوں پر انتخاب کے لیے پنجاب سے 20 امیدواروں نے حصہ لیا۔ غیر حتمی و غیر سرکاری نتائج کے مطابق پنجاب سے (ن) لیگ کے حمایت یافتہ 11 امیدوار کامیاب ہوگئے ہیں۔ ایک سیٹ پی ٹی آئی کے چوہدری سرور کے نام ہوئی۔

موضوعات:سینٹ