اسلام آباد(مانیٹرنگ ڈیسک)لال حویلی کے ترجمان شیخ امین مستعفی،پیپلز پارٹی میں شمولیت کا اعلان ،نجی ٹی وی کے مطابق عوامی مسلم لیگ کے رہنماء شیخ امین نے ساتھیوں سمیت پارٹی رکنیت سے استعفیٰ  دے دیا ہے۔ذرائع کے مطابق ترجمان لال حویلی شیخ امین نے پیپلزپارٹی کی قیادت سے ملاقات کی ،جس میں ملک کی سیاسی صورتحال پرتفصیلی تبادلہ خیال کیا گیا۔

اس موقع پرترجمان لال حویلی شیخ امین نے پیپلزپارٹی میں باقاعدہ شمولیت کا اعلان کردیا۔ پیپلزپارٹی کی جانب سے ان کی شمولیت کا خیر مقدم کیا گیا ہے ،دوسری جانب عوامی مسلم لیگ کے سربراہ شیخ رشید نے اپنے ردعمل میں کہا ہے کہ شیخ امین جہاں بھی جائے وہ ہمارا اپنا ہے۔واضح رہے کہ جوں جوں عام انتخابات قریب آرہے ہیں جوڑ توڑ کا سلسلہ  عروج پر پہنچ چکا ہے ۔

موضوعات:شیخ رشید