اسلام آباد(مانیٹرنگ ڈیسک)قومی پرچم کسی بھی ملک کی شناخت ہوتا ہے۔کھیلوں کے میدان ہوں یا روزگار کیلئے باہر جانا ہو،گرین پاسپورٹ اور اس پر لگا پاکستانی جھنڈا ہماری پہچان ہے ،جس کی عزت کی خاطر ہر محب وطن پاکستانی اپنی جان قربان کرسکتا ہے ۔سوشل میڈیا پر ایک ویڈیو کلپ تیزی سے وائرل ہو رہا ہے جس میں واضح طور پر دیکھا جا سکتا ہے جس میں سابق نااہل وزیر اعظم میاں نواز شریف میز پر لگے قومی جھنڈے کو اٹھا کر

میز پر مارتے ہوئے واضح دکھائی دے رہے ہیں ۔یہ4دسمبر کے پنجاب ہاؤس میں ہونے والے حکمران جماعت کے اجلاس کا منظر ہے ۔جب نوازشریف نیب عدالت میں پیشی کے بعد وہاں پہنچتے ہیں ۔اس موقع پر شعر و شاعری کے ذریعے کارکنوں کا لہو گرمایا جارہاتھا تو نوازشریف نے اس موقع پر شورشرابا کو روکنے کیلئے قریب ہی موجود میز پر لگے قومی جھنڈے کو اتارا اور میز پر زور زور سے مارنے لگے ۔یہ منظر دیکھ کر وہاں سبھی لوگ حیران اور پریشان رہ گئے اور کسی نے بھی نوازشریف کے سامنے منہ کھولنے کی جرات نہیں کی ۔ماہر قانون فیصل ملک کے مطابق ایسا کرنا جرم بنتا ہے ۔ان کے مطابق جب کوئی پاکستانی اپنے وطن پر قربان ہوتا ہے تو انہیں قومی پرچم میں لپیٹا جاتا ہے ۔ضابطہ فوجداری 123-B کے تحت جو کوئی قومی پرچم کو اپنی جگہ سے تبدیل کرتا ہے تو اسے 3سال قید کی سزا ہو سکتی ہے ۔دوسرے سیکشن124-A کے تحت ڈی فیکٹ یعنی اکسانا،اپنے لوگوں کے دلوں میں قومی پرچم کی محبت میں کمی کرنا ،اس کی سزا بھی 3سال قید ہے۔یہ ویڈیو کلپ سامنے آنے پر عوام کی جانب سے شدید ردعمل سامنے آرہا ہے ۔آئیے آپ بھی وہ ویڈیو ملاحظ کریں

موضوعات:نوازشریف