برطانیہ کے ویزے،لندن کے میئر صادق خان نے پاکستانیوں کو بڑی خوشخبری سنادی

  بدھ‬‮ 6 دسمبر‬‮ 2017  |  21:17

لاہور (آئی این پی) میئر لندن صادق خان نے کہا ہے کہ پاکستان دنیا بھر کی معیشت میں بہتر جگہ پا سکتا ہے، میرے والد پاکستانی ہیں، مجھے اس پر فخر ہے، پاکستان کے ہنر مند افراد کو ترجیحی بنیادوں پر ویزے دیئے جاتے ہیں، دہشت گردی پر قابو پانے کیلئے ہم سب کو ایک پلیٹ فارم پر جمع ہونا پڑے گا۔ منگل کو تقریب سے خطاب کرتے ہوئے میئر لندن صادق خان نے کہا کہ عالمی مارکیٹ میں پاکستان کا مستقبل بہت بہتر ہے،پاکستان میں قابل ستائش ترقی ہوئی ہے، میرے والد پاکستانی ہیں مجھے اس پر فخر ہے،نوجوانوں

سے فائدہ نہ اٹھانے والے ملک غلطی پر ہیں، لاہور میں شاندار استقبال پر شکرگزار ہوں، پاکستان دنیا بھر کی معیشت میں بہتر جگہ پا سکتا ہے، پاکستان کے ہنر مند افراد کو ترجیحی بنیادوں پر ویزے دیئے جاتے ہیں، رواں سال لندن میں دہشت گردی کے چار واقعات پیش آئے، دہشت گردی پر قابو پانے کیلئے ہم سب کو ایک پلیٹ فارم پر جمع ہونا پڑے گا۔دریں اثناء لندن کے میئر صادق خان کا دورہ پاکستان کے دوران پہلے مرحلے پر وزیراعلی پنجاب شہباز شریف سے ملاقات‘ دونوں کے درمیان باہمی دلچسپی کے امور سمیت مختلف معاملات پر تبادلہ خیال کیا ۔تفصیلات کے مطابق میئر لندن بھارت میں موجود تھے جہاں سے وہ بذریعہ واہگہ بارڈر پاکستان پہنچے جب کہ میئر لاہور کرنل ریٹائرڈ مبشر اور اعلی سرکاری حکام نے ان کا استقبال کیامیئر لندن صادق خان اور ان کے وفد کو حکام کی جانب سے صدارتی سیکیورٹی دی گئی جس کے بعد وہ وزیراعلی ہاس پہنچے جہاں شہبازشریف نے ان کا استقبال کیاصادق خان کے اعزاز میں وزیراعلی پنجاب کی جانب سے ظہرانہ بھی دیا شہبازشریف اور میئر لندن کے درمیان ملاقات کے میں دوطرفہ تعاون بڑھانے سمیت باہمی دلچسپی کے امور پر تبادلہ خیال کیا گیااس موقع پر صادق خان کا کہنا تھا کہ میئر لندن بننے کے بعد میرا یہ پاکستان کا پہلا دورہ ہے، پرتپاک استقبال کرنے پر وزیر اعلی پنجاب شہبازشریف کے مشکور ہیں میئر لندن نے کہا کہ لندن ایک عظیم شہرہے جسے یہ مقام دینے میں پاکستانیوں کا بڑا حصہ ہے، لندن میں موجود بہت سے سائنسدانوں، اساتذہ اور بزنس مین کا تعلق پاکستان سے ہے۔

آج کی سب سے زیادہ پڑھی جانے والی خبریں