اسلام آباد (نیوزڈیسک) دھرنے کے خلاف ہونے والے آپریشن پر ردِ عمل کرتے ہوئے مظاہرین نے چوہدری نثار کے گھر کا گیٹ توڑ کر اندر داخل ہونے کی کوشش کی تاہم پولیس اور گارڈز نے حالات پر قابو پالیا۔ ایک نجی ٹی وی کے مطابق مظاہرین نے سابق وزیر داخلہ چوہدری نثار علی خان کے گھر کا گیٹ توڑ دیا جبکہ سابق وزیر داخلہ کو بکتر بند گاڑی میں بٹھا کر محفوظ جگہ پر پہنچایا گیا۔

دریں اثناء چوہدری نثار کے گھر کی جانب سیکورٹی کے لئے جانے والے ساٹھ پولیس اہلکاروں کے ساتھ مشتعل ہجوم کے تصادم کے بعد شدید فائرنگ شروع ہوگئی ،سیکورٹی ادارے نے دعویٰ کیا ہے کہ مظاہرین کی جانب سے سیکورٹی اہلکاروں کو یرغمال بنانے کی کوشش کی گئی تھی جس پر تصادم ہوا، واقعے میں ایک شخص کے جاں بحق جبکہ متعدد کے زخمی ہونے کی اطلاعات ہیں۔

موضوعات:چوہدری نثار