لاہور(مانیٹرنگ ڈیسک)نجی ٹی وی چینل کے پروگرام میں گفتگو کرتے ہوئے سینئر صحافی اسد کھرل نے دعویٰ کیا ہے کہ سابق وزیر اعظم میاں نواز شریف کی اہلیہ کلثوم نواز کے جسم کے مختلف حصوں میں کینسر پھیل گیا ہے ، انہوں نے بچوں اور نواز شریف کو بلا کر وصیت کردی ہے۔ کلثوم نواز کی وصیت کے مطابق مریم نوازان کی جانشین ہوں گی ، کمزوری اس حدتک بڑھ گئی کہ کیموتھراپی بھی ملتوی کرنا پڑی ۔نجی ٹی وی

چینل کے پروگرام میں گفتگو کرتے ہوئے اسد کھرل کا کہنا تھا کہ ”کلثوم نوازبہت زیادہ بیمار ہیں، اللہ تعالیٰ ان کو صحت دے ، رپورٹس کو دیکھتے ہوئے میری برطانوی ڈاکٹر سے بات ہوئی ، انہوں نے کہاکہ یہ جو کیس ہے ،ایسا بہت کم ہوتا ہے اور پانچ سولوگوں میں صرف 26ایسے ہوتے ہیں جو پانچ سال زندہ رہیں، کلثوم نواز بھی ان 26لوگوں کی کیٹگری میں آتی ہیں، ان کے جسم کی مختلف جگہوں پر کینسر پھیل چکاہے اور اسی وجہ سے گزشتہ ہفتے کیموتھراپی کے موقع پر بورڈ بیٹھا تھا، نوازشریف کو بلایاگیا اور وہ ملتوی کردی گئی کیونکہ چھ ،سات سیشن ہونے تھے اور جسم میں اتنی طاقت نہیں ۔ اسد کھرل نے کہا کہ کلثوم نواز کو بلڈ اور شوگر کے مسائل ہیں،ان میں کمزوری اتنی زیادہ بڑھ گئی ہے کہ زندگی مشکل ہو گئی ہے۔ اسد کھرل نے مزید کہا کہ سابق وزیر اعظم میاں نواز شریف نےبھی پاکستان واپس آنے سے قبل اپنی وصیت لکھ دی ہے .پروگرام کے دوران انہوں نے ایک تصویر بھی جاری کی جس میں نوازشریف ایک کرسی پر بیٹھ پر دستاویزات پر دستخط کرتے نظر آتے ہیں ۔ان کے مطابق یہ دفتر لندن میں حسن نواز کا ہے .اسد کھرل کے مطابق نیب کیانکوائری اور ریفرنسز کے باعث نوازشریف جائیداد کا بٹوارہ تو نہیں کرسکتےلیکن انہوں نے ایسا کردیا ہے .انہوں نے اپنی جائیداد ،اپنے دونوں بیٹوں حسن نواز،حسین نواز،انکی بیویوں ،بچوں،دونوں بیٹیوں مریم صفدراور اسماڈار اور

انکے بچوں کے نام کردی ہیں.جتنا بینک بیلنس تھا وہ بھی برابر میں سب میں تقسیم کردیا گیا ہے .اس وصیت پر کلثوم نواز نے بھی دستخط کئے ہیں ۔

موضوعات:کلثوم نواز کینسر نواز شریف وصیت