انا للہ و انا الیہ راجعون، پاکستان کا قیمتی نقصان۔۔۔اہم شخصیت انتقال کر گئی

  پیر‬‮ 16 اکتوبر‬‮ 2017  |  10:23

اسلام آباد(مانیٹرنگ ڈیسک،آن لائن)پاکستان کے سابق چیف جسٹس اجمل میاں کراچی میں انتقال کر گئے ،ان کی نماز جنازہ آج بعد نماز عصر ادا کی جائیگی ۔نجی ٹی وی اے آر وائی نیوز کے مطابق سابق چیف جسٹس سپریم کورٹ آف پاکستان اجمل میاں کراچی میں انتقال کر گئے ۔اہلخانہ کے مطابق ان کی نماز جنازہبعد نماز عصر مسجد مصطفیڈی ایچ اے میں ادا کی جائے گی اور ان کی تدفین میوہ شاہ قبرستان میں ادا کی جائیگی۔واضح رہے کہ جسٹس(ر) اجمل میاں 23دسمبر1997سے 30جون 1999تک پاکستان کے چیف جسٹس رہے دریں اثنا چیف جسٹس آف پاکستان جسٹس میاں ثاقب

نثار اور سپریم کورٹ کے دیگر جج صاحبان نے سابق چیف جسٹس اجمل میاں کی وفات پر گہرے رنج اور دکھ کا اظہار کیا ہے۔ چیف جسٹس آف پاکستان جسٹس میاں ثاقب نثار سمیت سپریم کورٹ کے دیگر جج صاحبان اور رجسٹرار کی جانب سے پیر کو سابق چیف جسٹس آف پاکستان جسٹس اجمل میاں کی وفات پر اپنے تعزیتی پیغام میں کہا گیا ہے کہ اللہ تعالیٰ مرحوم کے لواحقین کو یہ صدمہ برداشت کرنے کی ہمت اورتوفیق دے اور مرحوم کو اپنے جوار رحمت میں جگہ دے۔

موضوعات:

آج کی سب سے زیادہ پڑھی جانے والی خبریں