لاہور(آئی این پی )حلقہ این اے 120کے ضمنی انتخابات کیلئے پاکستان مسلم لیگ (ن) کی امیدوار کلثوم نواز کے کاغذات نامزدگی منظور کر لئے گئے ، ریٹرنگ آفیسر نے تمام اعتراضات مسترد کردیے اور موقف اختیار کیا ہے کہ اعتراضات کی فوری تحقیق کا وقت نہیں ہے ۔ جمعرات کو حلقہ این اے 120کے ضمنی انتخاب کیلئے پاکستان مسلم لیگ (ن) کی امیدوار بیگم کلثوم نواز کے کاغذات نامزدگی منظور کر لئے ۔

ریٹرنگ آفیسر نے تمام اعتراضات مسترد کر دیے اور کہا کہ اعتراضات کی فوری تحقیق کا وقت نہیں ہے ۔ اعتراضات اٹھانے والے ا پیلٹ ٹربیونل میں فیصلہ چیلنج کر سکتے ہیں ۔ واضح رہے کہ پاکستان تحریک انصاف اورر دیگر جماعتوں کی طرف سے ان پر اعتراضات اٹھائے گئے تھے ۔ ان کو الیکشن کمیشن کے افسران نے سنا اور تمام 9اعتراضات کو مسترد کردیا اور کلثوم نواز کو انتخاب میں حصہ لینے کی اجازت دے دی ۔

موضوعات:کلثوم نواز