اسلام آباد (مانیٹرنگ ڈیسک) تحریک انصاف میں کیا واقعی غیر اخلاقی حرکت ہوتی ہیں؟ عائشہ گلالئی کے الزامات پر ناز بلوچ نے حیران کر دیا، عمران خان کے بارے میں کھل کر بڑی بات کر دی تفصیلات کے مطابق تحریک انصاف کی سابق رہنما ناز بلوچ جو کہ پیپلز پارٹی میں شمولیت اختیار کر چکی ہیں نے ایک نجی ٹی وی چینل پر اپنے ردعمل میں کہا کہ عائشہ گلالئی کے الزامات کی تصدیق نہیں کر سکتی۔ ناز بلوچ نے کہا کہ تحریک انصاف میں

سات سال رہی ہوں مگر کبھی کسی مرد کی جانب سے ہراساں نہیں کیا گیا اور نہ ہی میں نے کچھ ایسا دیکھا جیسے الزامات عائشہ گلالئی نے لگائے ہیں۔ ناز بلوچ نے کہا کہ میں تحریک انصاف کے چیئرمین عمران خان کی پہلے بھی عزت کرتی تھی اور اب بھی عزت کرتی ہوں، میں اتنا طویل عرصہ تحریک انصاف میں رہی مگر کسی غیر مناسب رویہ کا شکار نہیں ہوئی، میں نے تحریک انصاف سے راستے سیاسی وجوہات کی وجہ سے جدا کیے۔

موضوعات:ناز بلوچ