اسلام آباد (مانیٹرنگ ڈیسک) نئے نامزد وزیراعظم شاہد خاقان عباسی حلف اٹھانے سے قبل ہی نااہل؟ تفصیلات کے مطابق عوامی مسلم لیگ کے سربراہ شیخ رشید نے مسلم لیگ (ن) کے نامزد وزیراعظم شاہد خاقان عباسی کے خلاف ایل این جی معاہدے پر ریفرنس دائرکرنے کا اعلان کر دیا ہے، شیخ رشید نے کہا کہ مجھے سمجھ آ گئی ہے کہ بغیر پیسوں سے بھی کیس لڑا جا سکتا ہے اس لیے میرا حوصلہ بڑھ گیا ہے۔ عوامی مسلم لیگ کے سربراہ شیخ رشید نے نجی

ٹی وی چینل سے بات چیت کرتے ہوئے کہنا تھا کہ نوازشریف نے پاناما کیس لڑنے کیلئے وکلاء کوکروڑوں روپے دیے۔ سپریم کورٹ کی طرف سے پاناما کیس کا فیصلہ نواز شریف کے خلاف آنے پر نواز شریف کے تمام وکلاء نے سوائے سلمان بٹ اور شیخ اکرم کے مجھے مبارک دیتے ہوئے کہا کہ شیخ صاحب آپ نے تو کمال کر دیا ہے، شیخ رشید نے کہا کہ شاہد خاقان عباسی کے ایل این جی معاہدے میں گھپلے پر سپریم کورٹ میں ریفرنس دائر کروں گا۔

موضوعات:شیخ رشید