لاہور(مانیٹرنگ ڈیسک) ارفع کریم ٹاورکے نزدیک دھماکے کی آواز سنی گئی ہے۔تفصیلات کے مطابق پنجاب کے دارلحکومت لاہور میں فیروزپور روڈ پر ارفع کریم ٹاور کے قریب دھماکا سنا گیا، دھماکا اتنا روز دار تھا کہ آواز دور دور تک سنی گئی، دھماکہ میں 2 افراد جاں بحق اور 19  افراد زخمی ہوئے جبکہ پولیس اور ریسکیو ٹیمیں روانہ جائے وقوعہ پر پہنچ گئی ہے۔پولیس نے علاقے کو گھیرے میں لے لیا اور امدادی کارروائیاں جاری ہیں،

زخمیوں کو جنرل اور جناح اسپتال منتقل کیا جارہا ہے جبکہ لاہور کے تمام اسپتالوں میں ایمرجنسی نافذ کردی گئی ہے۔اسپتال ذرائع کے مطابق 13 افراد جنرل اسپتال اور 6زخمی جناح اسپتال لائے گئے۔ریسکیو ذرائع کے مطابق دھماکےکی نوعیت کابھی تعین نہیں ہوسکا۔دھماکہ اس وقت ہوا جب ایل ڈی اے ٹیم تجاوزات کیخلاف آپریشن میں مصروف تھی اور پرانی سبزی منڈی میں ایل ڈی اے ٹیم اور پولیس اہلکار موجود تھے۔

موضوعات:بم دھماکہ لاہور