جے آئی ٹی رپورٹ کی دسویں جلد میں دراصل کیا ہے؟ معروف صحافی حامد میر کے حیرت انگیز انکشافات

  پیر‬‮ 17 جولائی‬‮ 2017  |  20:54

اسلام آباد (مانیٹرنگ ڈیسک) جے آئی ٹی رپورٹ کی دسویں جلد میں دراصل کیا ہے؟ معروف صحافی حامد میر کے حیرت انگیز انکشافات، تفصیلات کے مطابق مشترکہ تحقیقاتی ٹیم کی جانب سے سپریم کورٹ میں جمع کرائی گئی رپورٹ کی دسویں جلد کو اس لیے خفیہ رکھا گیا ہے کہ اس میں غیر ملکی حکومتوں کے سات خط و کتابت ہے۔ حامد میر نے کہا کہ ہماری اطلاعات کے مطابق مشترکہ تحقیقاتی ٹیم چاہتی ہے کہ ان کی خط و کتابت کو سپریم کورٹ دیکھ لے لیکن اس کو عام نہ کیا جائے،مشترکہ تحقیقاتی ٹیم نے جن غیر ملکی حکومتوں

سے ساتھ خط وکتابت کی انہوں نے درخواست کی تھی کہ اس کو پبلک نہ کیا جائے۔ ایک نجی ٹی وی چینل سے بات چیت کرتے ہوئے حامد میر نے کہا کہ جس طرح مسلم لیگ (ن) کا مطالبہ ہے کہ دسویں جلد کو سامنے لایا جائے، اس کے علاوہ مسلم لیگ کے رہنما کہہ رہے ہیں کہ ان میں کچھ ایسی دستاویزات ہیں جو تصدیق شدہ نہیں ہیں۔ سینئر صحافی حامد میر نے مزید کہا کہ دسویں جلد کو سپریم کورٹ کے تین ججز اور مشترکہ تحقیقاتی ٹیم کے ارکان کے علاوہ کسی نے نہیں دیکھا اس لیے مجھے لگتا ہے کہ مسلم لیگ (ن) والے صرف سنی سنائی بات کر رہے ہیں۔ حامد میر نے کہا کہ اگر مسلم لیگ (ن) کے رہنما رپورٹ کی دسویں جلد کو سامنے لانے کا مطالبہ کر رہے ہیں تو عدالت کو چاہیے کہ اس کو منظر عام پر لے آئے تاکہ ثابت ہو جائے کہ مسلم لیگ (ن) کے رہنما بے بنیاد الزامات لگا رہے ہیں، حامد میر نے مزید کہا کہ اگر مشترکہ تحقیقاتی ٹیم کی طرف سے جمع کرائی گئی رپورٹ کی دسویں جلد سامنے آ گئی تو مسلم لیگ (ن) کو شرمندگی کا سامنا کرنا پڑ سکتا ہے۔

موضوعات:

آج کی سب سے زیادہ پڑھی جانے والی خبریں