اسلام آباد(مانیٹرنگ ڈیسک) آرمی چیف کا ایل او سی کا دورہ، کشمیریوں کی حمایت جاری رکھنے اور بھارتی مہم جوئی کا منہ توڑ جواب دینے کے عزم کا اعادہ۔ تفصیلات کے مطابق آرمی چیف جنرل قمر جاوید باجوہ نے کہا ہے کہ کشمیریوں کے حق خود ارادیت کی حمایت جاری رکھیں گے اور بھارت کی کسی بھی مہم جوئی کا منہ توڑ جواب دیا جائے گا۔آئی ایس پی آر کے مطابق آرمی چیف نے لائن آف کنٹرول کے مظفر آباد سیکٹر کا

دورہ کیا۔ اس موقع پر فوجی جوانوں نے بھارتی اشتعال انگیزیوں سے آرمی چیف کو آگاہ کیا۔ آرمی چیف نے جوانوں کے بلند جذبے اور بروقت کارروائی اور ہمت کی داد دی، آرمی چیف نے افسران کے مورال ااور عزم کو سراہا۔ آرمی چیف کا کہنا تھا کہ پاک فوج مادر وطن کے دفاع اور اس کو درپیش چیلنجز سے آگاہ ہے ۔ بھارتی جارحیت کے خلاف کشمیریوں کا عزم اور جرأت قابل ستائش ہے جسے سلام پیش کرتے ہیں۔

موضوعات:آرمی چیف ایل او سی