اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے صحافی عارف حمید بھٹی کا کہنا تھا کہ جے آئی ٹی کی حیثیت ایسی ہے جسے نواز شریف ایک دستخط کرکے ختم کر سکتے ہیں، میاں محمد نواز شریف اس لئے خاصے مطمئن نظر آ رہے ہیں، جو مرضی ہو جائے جے آئی ٹی حکومت کے خلاف کوئی ثبوت نہیں لائے گی۔

عارف حمید بھٹی کا کہنا تھا کہ جے آئی ٹی میں شامل دو اہم ترین افسران کو وزیر اعظم نواز شریف کے انتہائی قریبی ساتھی پرنسپل سیکرٹری فواد حسن فواد کے ساتھ بھی کہیں دیکھا گیا ہے۔ وہ فواد حسن فواد کے ساتھ اہم ترین جگہ پر بھی دیکھے گئے ہیں۔ حکومت یہ سمجھ رہی ہے کہ وہ جے آئی ٹی کو اگلے الیکشن تک آسانی سے لے جائیں گے۔ اسی لئے سب مطمئن ہیں۔

موضوعات:فواد حسن فواد نواز شریف