اقتصادی راہداری ،وسطی ایشیائی ریاستوں سے تجارت،افغانستان باہر،پاکستان نے راستے کی مجبوری ختم کردی،اہم اعلان

24  فروری‬‮  2017

انقرہ(آئی این پی ) وزیراعظم محمد نواز شریف نے اعلان کیاہے کہ ،وسطی ایشیائی ریاستیں سی پیک میں تیزی لاسکتی ہیں اور خنجراب کے راستے وسطی ایشیائی ریاستوں سے روابط کا قیام ہمارا ویژن ہے۔وزیراعظم نے کہا کہ خنجراب کے راستے سے چین ،کرغزستان اور قازقستان سے مواصلاتی رابطے قائم کریں گے،لاہور میں دھماکے کی غیر ذمہ دارانہ رپورٹنگ کے خلاف میڈیا میں آپس میں بحث ایک مثبت رویہ ہے،

ترک صدر سے شام ،روس اور داعش کے معاملات پر بھی بات ہوئی،آزاد تجارتی معاہدے اور اقتصادی تعاون بڑھانے پر تبادلہ خیال ہوا،سی پیک میں ترکی کی شمولیت کا خیرمقدم کریں گے،ہم پرامن اور مستحکم افغانستان کے خواہاں ہیں،کابل کو اندازہ ہونا چاہئے کہ ان کے خیر خواہ کون ہیں‘ افغانستان الزامات کی بوچھاڑ کرتا ہے،مگر ہم نے ایسا نہیں کیا۔ وہ جمعہ کو انقرہ سے وطن واپسی کے موقع پر میڈیا سے گفتگو کررہے تھے۔ انہوں نے کہا کہ لاہور دھماکے کی غیر ذمہ دارانہ رپورٹنگ کے خلاف میڈیا میں اس میں بحث ایک مثبت رویہ ہے،میڈیا میں خود احتسابی اگے بڑھنے کا یہ ایک بہترین عمل ہے۔وزیراعظم نے کہا کہ ترک صدر سے علاقائی اور عالمی امور پر بات چیت ہوئی،ان سے شام ،روس اور داعش کے معاملات سمیت آزاد تجارتی معاہدے اور اقتصادی تعاون بڑھانے پر تبادلہ خیال ہوا۔انہوں نے کہا کہ ترکی اور پاکستان کے درمیان تعاون کے فروغ پر نمایاں پیشرفت ہوئی ہے،سی پیک میں ترکی کی شمولیت کا خیرمقدم کریں گے،وسطی ایشیائی ریاستیں سی پیک میں تیزی لاسکتی ہیں اور خنجراب کے راستے وسطی ایشیائی ریاستوں سے روابط کا قیام ہمارا ویڑن ہے۔وزیراعظم نے کہا کہ خنجراب سے چین ،کرغزستان اور قازقستان سے مواصلاتی رابطے قائم کریں گے،ملک میں 2013کے مقابلے میں لوڈشیڈنگ میں نمایاں کمی ہوئی ہے،صنعتوں کو طلب کے مطابق 100فیصد بجلی فراہم کر رہے ہیں۔

انہوں نے کہا کہ 1998میں بننے والی موٹروے کی مرمت کی ضرورت تھی،بدقسمتی سے ماضی میں موٹروے کی مرمت پر توجہ نہیں دی گئی،2013سے اس منصوبے پر دوبارہ کام شروع کیا اورگیارہ سو ارب روپے کی لاگت سے موٹروے کے 13منصوبوں پر کام شروع کیا۔انہوں نے کہا کہ ہم پرامن اور مستحکم افغانستان کے خواہاں ہیں،کابل کو اندازہ ہونا چاہئے کہ ان کے خیر خواہ کون ہیں‘ میں کسی کی برائی نہیں کرنا چاہتا مخالفین صرف باتیں ہی کرسکتے ہیں، افغانستان الزامات کی بوچھاڑ کرتا ہے مگر ہم نے ایسا نہیں کیا،پرامن افغانستان پاکستان اور خطے کے مفاد میں ہے،پشاور سے کابل موٹروے کی فزیبلٹی رپورٹ پرکام جاری ہے،پشاور سے جلال اباد ہائی وے کا 60فیصد سے زائد کام مکمل ہوچکا ہے۔

انہوں نے کہا کہ افغانستان کی ترقی اور استحکام میں ہم اپنا حصہ ڈالنا چاہتے ہیں،افغانستان میں استحکام پاکستان کے استحکام کیلئے بھی اہم ہے،میری خواہش ہے کہ پاکستان کی ترقی اور خوشحالی کیلئے تمام سیاسی جماعتیں اور رہنما مل کر کام کریں۔وزیراعظم سے پاکستان سپرلیگ کے حوالے سے پوچھے گئے سوال پران کا کہنا تھا کہ امید ہے پی ایس ایل کا فائنل لاہور میں ہی کرائیں گے۔ دہشت گردی کے خلاف جنگ سے متعلق وزیر اعظم نے کہا کہ دہشت گردی کے خلاف ہمارا عزم پختہ ہے اس لئے ہماری یہ جنگ ضرور نتیجہ خیز ہو گی، ہم خطے کو دہشت گردی سے پاک کرنا چاہتے ہیں۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…