وفاقی حکومت نے عوام پر اب تک کا سب سے بڑا بجلی بم گرا دیا

  جمعرات‬‮ 12 جنوری‬‮ 2017  |  12:13
اسلام آباد (مانیٹرنگ ڈیسک) حکومت نے عوام کی جیبوں سے مزید 9 ارب روپے نکالنے کا منصوبہ تیار کرلیا، اقتصادی رابطہ کمیٹی نے بجلی کے بلوں پر نیلم جہلم سرچارج کے نفاذ میں ڈیڑھ سال توسیع کی منظوری دیدی۔وزیر خزانہ اسحاق ڈار کی زیر صدارت اقتصادی رابطہ کمیٹی نے نیلم جہلم سرچارج میں 30 جون 2018ء تک توسیع کی منظوری دیدی، اس فیصلے سے حکومت کو ڈیڑھ سال میں 9 ارب روپے حاصل ہوں گے۔ وزارت خزانہ کے مطابق رقم سے نیلم جہلم منصوبے کی جلد تکمیل میں مدد ملے گی، سرچارج کی مدت 31 دسمبر 2016ء کو ختم ہوگئی
ای سی سی نے واپڈا کو پنجاب حکومت کے نیٹ ہائیڈل پرافٹ کلیمز کی ادائیگی کیلئے حکومتی ضمانت دینے کی بھی منظوری دیدی۔ای سی سی اجلاس میں حکومت کی طرف سے تجارت اور برآمدات میں اضافے کیلئے اعلان کردہ 180 ارب روپے کے پیکج کی بھی باقاعدہ منظوری دی گئی۔ کمیٹی کو معاشی صورتحال پر بریفنگ میں بتایا گیا کہ جولائی تا دسمبر مہنگائی میں اضافے کی اوسط شرح 3.8 فیصد رہی ، 3 جنوری 2017ء تک گندم کا ذخیرہ 75 لاکھ ٹن رہا، پیٹرولیم مصنوعات کا 34 دن کا ذخیرہ موجود ہے۔کمیٹی کو مزید بتایا گیا کہ جولائی تا دسمبر ترسیلات زر 9.4 ارب ڈالر رہیں جبکہ 9 جنوری کو زرمبادلہ کے ذخائر 23 ارب ڈالر سے زیادہ تھے۔

آج کی سب سے زیادہ پڑھی جانے والی خبریں

0

روزانہ کی دس بڑی خبریں بذریعہ ای میل حاصل کریں

بذریعہ ای میل آپ کو دس بڑی خبروں کے ساتھ ساتھ کرنسی اور سونے کے ریٹس بھی بھیجے جائیں گے۔