ٹی اوآرز کا معاملہ کیوں مردہ گھوڑا بن چکا؟ شاہ محمود قریشی نے 7بنیادی وجوہات بتا دیں

26  جون‬‮  2016

لاہور (مانیٹرنگ ڈیسک) پاکستان تحریک انصاف کے مرکزی رہنما شاہ محمود قریشی نے ٹی او آرز کے معاملے پر پیشرفت نہ ہونے کے معاملے کی 7بنیادی وجوہات بتاتے ہوئے کہا ہے کہ حکومت پانامہ لیکس کے معاملے میں وزیر اعظم کو ہر ممکن تحفظ فراہم کرنا چاہتی ہے ،خطرنا ک نتائج سامنے آئیں ۔ گزشتہ روز مقامی ہوٹل میں تحریک انصاف کے پروفیشنل فورم کے زیر اہتمام ’’پانامہ لیکس اور کرپشن ۔سب سے بڑی برائی ‘‘کے موضوع پر منعقدہ خصوصی سیمینار سے خطاب کرتے ہوئے شاہ محمود قریشی نے کہا کہ ٹی او آر ز کا معاملہ اس وقت مردہ گھوڑا بن چکا ہے اور اس میں کوئی پیش رفت نہیں ہورہی تو اس کی 7بنیادی وجوہات ہیں، سب سے پہلی بات یہ کہ حکومت پانامہ لیکس کے معاملے میں وزیر اعظم کو ہر ممکن تحفظ فراہم کرنا چاہتی ہے اور کسی صورت ان کو احتساب کیلئے پیش نہیں کرنا چاہتی،
دوسری بات یہ کہ پانامہ لیکس کے معاملے میں حکومت کسی قسم کی نتیجہ خیز کارروائی نہیں چاہتی جس کے کوئی خطرنا ک نتائج سامنے آئیں ، اس لیے پہلو تہی سے کام لے رہی ہے ،تیسری بات یہ کہ حکومت نے جو پانامہ لیکس پر ا نکوائریز ایکٹ 2016ء تجویز کیا ہے وہ من وعن 1956ء کی کاپی ہے حالانکہ حکومت جانتی ہے کہ 1956ء کے بوسید ہ قانون سے 2016ء کے جدید فراڈ کی تفتیش نہیں ہوسکتی ۔ انہوں نے کہا کہ چوتھی بات یہ کہ حکومت سمجھتی ہے کہ پانامہ پیپرز کے انکشافات پبلک انٹرسٹ کا مسئلہ نہیں ہے ، یہ مسئلہ وقت کے ساتھ اپنی موت آپ مر جائے گا،اس لیے تاخیری حر بے استعمال کیے جا رہے ہیں ، پانچویں بات یہ کہ حکومت تمام اپوزیشن پارٹیز کے ایک ہی نقطے پر متفق ہوجانے سے خوفزدہ ہے اور اس اتحاد کو توڑنا چاہتی ہے ، چھٹی بات یہ کہ حکومت چاہ رہی ہے کہ کچھ عرصہ خاموش رہے تاکہ اس دوران کوئی اور بڑے مسائل کھڑے ہو جائیں جیسا کہ چیف جسٹس سندھ کے بیٹے کا اغواء اور امجد صابری کا قتل ہوا اور اس سے عوام کی توجہ تقسیم ہوگئی ، ساتویں بات یہ ہے کہ حکومت سمجھتی ہے کہ احتساب اور اینٹی کرپشن کا ایجنڈا صرف پی ٹی آئی کا جنون ہے ، عام لوگ اس میں دلچسپی نہیں رکھتے۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…