اسلام آباد(مانیٹرنگ ڈیسک)امریکہ نے امن معاہدے میں قیدیوں کی رہائی کی شق نہ ہونے کے افغان دعوے کومستردکردیا۔عالمی میڈیا کے مطابق امریکی وزیر خارجہ مائیک پومپیو نے کہا ہے کہ اس سے پہلے بھی دونوں طرف سے قیدیوں کی رہائی کا عمل ہوا ہے،ہم آگے بڑھنے کا راستہ ڈھونڈنے میں کامیاب ہو گئے ہیں،امریکی وزیرخارجہ مائیک پومپیو

کاکہناتھا کہ دوحہ میں امریکی فوجیوں کے انخلا کا معاہدہ تاریخی تھا، معاہدہ طالبان کی طرف سے تشدد کم کرنے کے لئے تفصیلی وعدوں پر مشتمل تھا۔امید ہے آنے والے دنوں میں افغان حکومت اور طالبان کے مابین بات چیت کا آغاز ہوگا،یاد رہے کہ افغان صدر اشرف غنی نے5ہزار قیدیوں کی رہائی کے لئے طالبان کا مطالبہ مسترد کیا تھا۔

موضوعات:مائیک پومپیو