نئی دہلی (این این آئی)بھارت کے الیکشن کمیشن نے ٹوئٹر سے درخواست کی ہے کہ وہ دہلی اسمبلی کے انتخابات میں بی جے پی کے ایک امیدوار کی اس ٹویٹ پیغام کو ہٹا دے جس میں انھوں نے ریاستی انتخابات کو انڈیا اور پاکستان کے درمیان مقابلہ قرار دیا تھا۔ دہلی کے علاقے ماڈل ٹاؤن سے بی جے پی کے امیدوار کپل مشرا نے ایک ٹویٹ میں کہا تھا کہ آٹھ فروری کو دلی کی سڑکوں پر انڈیا اور

پاکستان کا مقابلہ ہوگا،بھارتی ٹی وی کے مطابق الیکشن کمیشن نے ٹوئٹر سے کپل مشرا کی ٹویٹ ہٹانے کی درخواست اس وقت کی جب دہلی کے انتخابی افسر نے اس سلسلے میں کمیشن سے رجوع کیا۔ الیکشن کمیشن نے مشرا کو ایک شو کاز نوٹس جاری کرتے ہوئے ان سے پوچھا کہ انتخابی ضابطہ اخلاق کے تحت کیوں نہ ان کے خلاف کاروائی کی جائے؟‎

موضوعات:بھارت الیکشن کمیشن