واشنگٹن(آن لائن) امریکہ نے کہا ہے کہ لبنانی عوام حکومت ، معاشی اصلاحات اور کرپشن کا خاتمہ چاہتے ہیں ،سیاسی رہنما معاملے کا جائزہ لیں ۔تفصیلات کے مطابق لبنان میں حکومت مخالف مظاہرے اور سعدحریری کے استعفے پر پومپیو کا کہنا تھا کہ سیاسی رہنما ایسی

حکومت بنائیں جو لوگوں کی ضروریات پوری کرے۔انہوں نے مزید کہا کہ 13دن کے مظاہروں اور قومی یکجہتی نے واضح پیغام دیا ہے کہ لبنانی عوام کرپشن سے پاک حکومت چاہتے ہیں۔امریکی وزیرخارجہ مائیک پومپیو کا کہنا ہے کہ لبنانی عوام مثر حکومت، معاشی اصلاحات اور کرپشن کاخاتمہ چاہتے ہیں، سیاسی رہنما معاملے کا جائزہ لیں۔ واضح رہے لبنان میں سعد حریری کے خلاف دو ہفتے سے مظاہرے جاری تھے اور ان میں شدت آتی جارہی تھی، مظاہرین کا مطالبہ تھا کہ وزیراعظم فوری طور پر مستعفی ہوں، شدید دبا کے بعد سعد حریری نے عہدے سے استعفی دیا۔یاد رہے کہ 19 اکتوبر کو سعد الحریری نے حکومتی اتحادیوں کو ہدایت کی تھی کہ وہ ملک بھر میں جاری عوامی مظاہروں کے نتیجے میں پیدا ہونے والے بحران کو حل کرنے کے لیے 72 گھنٹے میں کوئی لائحہ عمل پیش کریں۔الحریری نے زور دیا تھا کہ معاشی اصلاحات اور سرکاری کاموں میں رکاوٹیں ڈالی جارہی ہیں جبکہ حکومت ٹیکس اہداف بڑھانے کے لیے اصلاحات لارہی ہے۔ خیال رہے کہ لبنانی وزیراعظم کے تمام دعوے اور اعلانات بیسود ثابت ہوئے اور بلآخر انہیں استعفی دینا پڑا۔

موضوعات:امریکا