اسلام آباد (این این آئی)امریکی صدر ڈونلڈ ٹرمپ نے چین کے ساتھ ہونے والے تجارتی مذاکرات پر اطمینان کا اظہار کرتے ہوئے کہا ہے کہ مذاکرات میں اچھی باتیں ہو رہی ہیں،چین کیساتھ تجارت کے حوالے سے پائی جانیوالی کشیدگی پر مذاکرات کے بعد سماجی رابطے کی ویب سائٹ ٹویٹر پر اپنے بیان میں امریکی صدر نے کہا کہ چین کے ساتھ تجارتی مذاکرات کے اجلاس میں اچھی باتیں ہورہی ہیں۔

ماضی قریب کے مقابلے میں اچھا احساس ہے۔ انہوں نے کہا کہ میری ملاقات نائب وزیراعظم سے ہوگی اور ایسا لگتا ہے کہ خاص ہونے جارہا ہے۔انہوں نے کہا کہ چین سے معاہدے کے حوالے اچھی بات یہ ہے کہ ہمیں کانگریس سے منظوری کے سیاسی پیچیدہ عمل سے نہیں گزرنا ہے۔ڈونلڈ ٹرمپ نے کہا کہ جب معاہدہ مکمل طور پر تیار ہوگا تو میں اپنے ملک کی طرف سے شفاف انداز میں دستخط کروں گا۔

موضوعات:امریکا