ڈونلڈ ٹرمپ اور نریندر مودی کاگٹھ جوڑ بے نقاب،اسلام مخالف جذبات کو چھپانے میں مکمل طور پر ناکام ہوگئے،بین الاقوامی تجزیہ کاروں نے خطرے کی گھنٹی بجادی

23  ستمبر‬‮  2019

ہوسٹن(این این آئی)مقبوضہ کشمیر میں سنگین انسانی حقوق کی خلاف ورزیوں کے باوجود امریکی صدر ڈونلڈ ٹرمپ اور بھارتی وزیراعظم نریندر مودی کی غیر معمولی گرم جوشی نے دونوں رہنماؤں کے درمیان گٹھ جوڑ کو بے نقاب کردیا ہے۔عالمی خبر رساں ادارے کے مطابق ہیوسٹن میں بھارتی وزیراعظم کے اعزاز میں ہونے والے جلسے میں امریکی صدر ڈونلڈ ٹرمپ نے بھی شرکت کی،

اس موقع پر دونوں رہنماؤں نے ہزاروں بھارتی نژاد امریکیوں کے سامنے اپنے قریبی اور ذاتی تعلقات کا اظہار کیا ہے تاہم دونوں رہنما اپنے اسلام مخالف جذبات کو چھپانے میں مکمل طور پر ناکام نظر آئے۔صدر ٹرمپ پہلے ہی مسلم دشمنی اور نفرت انگیز گفتگو کے لیے شہرت رکھتے ہیں۔ انہوں نے کہا کہ شدت پسند اسلامی جماعتوں کے ہاتھوں اپنی عوام کو یرغمال بننے نہیں دیں گے اور عام بے گناہ شہریوں کی زندگیوں کو شدت پسندوں سے بچانے کے لیے بھارت کے ساتھ مل کر کام کریں گے۔بھارتی وزیراعظم نریندر مودی نے بھی اپنے خطاب میں مقبوضہ کشمیر میں قابض فوج کے مظالم کو چھپانے کے لیے پاکستان پر بے بنیاد اور جھوٹے الزامات لگاتے ہوئے کہا کہ بھارت کو بدنام کرنا کچھ لوگوں کا اولین ایجنڈا ہے، ہم نے کشمیر کو ترقی اور برابر کا درجہ دیا جس سے کسی ملک کو تکلیف ہورہی ہے۔بھارتی وزیراعظم کے جلسے میں امریکی صدر کے علاوہ ڈیموکریٹک پارٹی کے اہم عہدیدار بھی شریک تھے، بیگانے کی شادی میں دیوانہ کے مصداق مودی کے جلسے میں صدر ٹرمپ کی گرم جوشی کی وجہ تجزیہ کاروں نے امریکی انتخابات کی تیاری کو قرار دیا۔صدر ٹرمپ نے چاپلوسی کی اعلیٰ مثال قائم کرتے ہوئے کہا کہ امریکا میں آنے والے غیر قانونی پناہ گزینوں کے معاملات کو دیکھنے سے قبل ہم اپنے بھارتی نژاد امریکی شہریوں کا خیال رکھیں گے اور انہیں اس سرزمین پر کسی قسم کی تکلیف نہیں ہونے دیں گے۔دوسری جانب جس وقت جلسہ گاہ میں صدر ٹرمپ اور وزیراعظم مودی اپنے گٹھ جوڑ کا عملی مظاہرہ کر رہے تھے عین اسی وقت فٹبال اسٹیڈیم کے باہر سیکڑوں مظاہرین مودی سرکار کے مکروہ چہرہ بے نقاب کرنے کے لیے ’فری کشمیر‘ کے پلے کارڈز اٹھائے احتجاج کررہے تھے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…