جدہ (آن لائن)امریکی وزیر خارجہ مائیک پومپیو نے کہا ہے کہ امریکا سعودی عرب کیساتھ کھڑا ہے‘سعودی عرب کو اپنے دفاع کا حق حاصل ہے اور امریکا اس حق کی حمایت کرتا ہے۔ امریکی وزیرخارجہ نے ان خیالات کا اظہار جدہ میں سعودی عرب کے ولی عہد شہزادہ محمد بن سلمان بن عبدالعزیز سے پیس محل میں ملاقات کے دوران کیا۔اس ملاقات کے دوران ، امریکی وزیر خارجہ نے اپنے ملک کی طرف سے سعودی کمپنی آرمکو کے کی تنصیبات

پر حملوں کی کی شدید مذمت کی۔ان کا کہنا تھا کہ آرامکو تیل تنصیبات پرحملوں میں ایران کا ہاتھ ہے۔ امریکا ان حملوں کی عالمی سطح پر تحقیقات کی حمایت کرنے کیساتھ تحقیقات میں بھرپور مدد فراہم کرے گا۔اس موقع پر سعودی ولی عہد شہزادہ محمد بن سلمان نے کہا کہ تخریب کاری کے ان حملوں کا مقصد خطے کی سلامتی کو غیر مستحکم کرنا اور عالمی توانائی کی فراہمی اور عالمی معیشت کو نقصان پہنچانا ہے۔

موضوعات:مائیک پومپیو