بھارت میں 2 سال کے دوران کتنے لاکھ مردوں کو اپنی نوکریوں سے ہاتھ دھونا پڑا ؟رپورٹ نے مودی سرکار کی کارکردگی کا پول کھول دیا

18  اپریل‬‮  2019

نئی دہلی(این این آئی)دنیا کی سب سے بڑی جمہوریت کا دعویٰ کرنے والے ملک بھارت میں 2 برس کے دوران تقریباً 50 لاکھ بھارتی مردوں کو اپنی نوکریوں سے ہاتھ دھونا پڑا۔بھارتی میڈیا رپورٹ کے مطابق ایک تحقیق میں یہ بات سامنے آئی کہ اتنے مردوں کو اپنی نوکری کھونا پڑی، جو بھارتی وزیر اعظم نریندر مودی کے سالانہ ایک کروڑ نوکریاں پیدا کرنے کے 2014 انتخابات کے وعدے کے برخلاف ہے۔

تاہم خواتین کو نوکریوں سے نکالنے کا اندازہ کم لگایا گیا ہے۔بنگلور کی عظیم پریم جی یونیورسٹی کے پائیدار روزگار کے مرکز کی جانب سے جاری تحقیقاتی رپورٹ ایسے وقت میں سامنے آئی جب 6ہفتوں طویل بھارتی عام انتخابات کا دوسرا مرحلہ شروع ہورہاہے۔رپورٹ کے مطابق بھارت کی حکومتی پالیسی کے تھنک ٹینک نیشنل انسٹی ٹیوشن فار ٹرانسفارمنگ انڈیا کے نائب چیئرمین راجیو کمار کا کہنا تھا کہ یہ رپورٹ تصدیق شدہ نہیں اوراعداد و شمار میں صداقت کے حوالے سے معلوم نہیں تاہم پائیدار ملازمت کے مرکز کی جانب سے اسٹیٹ آف ورکنگ انڈیا 2019 رپورٹ میں یہ انکشاف کیا گیا کہ 2011 کے بعد سے بھارت میں بے روزگاری میں نمایاں اضافہ ہوا۔رپورٹ میں واضح کیا گیا کہ اعداد و شمار ظاہر کرتے ہیں کہ کیوں اس سال بھارت میں بڑے انتخابی مسئلے کے طور پر بے روزگاری بڑھی۔ تحقیقاتی رپورٹ میں بتایا گیا کہ اگرچہ نریندر مودی کی 2016 کی ڈی مونیٹائزیشن پالیسی کے ساتھ ہی روزگار میں کمی کی شروعات ہوئی، تاہم ان دونوں واقعات کے درمیان کوئی تعلق قائم نہیں کیا جاسکتا۔واضح رہے کہ ریزرو بینک آف انڈیا کی ایک رپورٹ کے مطابق 500 اور 1000 روپے کے نوٹوں کی مونیٹائزیشن کرپشن، غیرقانونی ذرائع سے دولت حاصل کرنے والے لوگوں اور جعلی نوٹوں کے خلاف کریک ڈاؤن کا حصہ تھا۔اس کے علاوہ بھارت میں 90 فیصد سے زائد صارفین کی خرید و فروخت نقد میں ہوتی ہے تو اس اقدام سے عوام میں افراتفری پھیل گئی تھی۔سی ایس ای کی رپورٹ کے مطابق بیروزگار افراد میں زیادہ شرح نوجوانوں کی ہے اور وہ جو اعلیٰ تعلیم حاصل کرچکے ہیں جبکہ جائزہ میں یہ بات بھی سامنے آئی کہ کم تعلیم یافتہ افراد کے بھی نوکریوں اور کام کے مواقع میں کمی آئی اس کے علاوہ شہری اور دیہی دونوں علاقوں میں کم تعلیم یافتہ مردوں

کی جانب سے لیبر فورس پارٹیسپیشن ریٹ (ایل ایف پی آر) اور ورک فورس پارٹیسپیشن ریٹ (ڈبلیو پی آر) میں بڑی حد تک انکار دیکھنے میں آیا۔رپورٹ میں واضح کیا گیا کہ بے روزگاری کا مسئلہ صرف لیبر فورس کے پڑھے لکھے طبقے تک ہی محدود نہیں البتہ بے روزگاری کا مسئلہ کم پڑھے لکھے افراد میں شاید کم ہو کیونکہ اس سیکٹر کے لیے لیبر فورس کے نکالنے کا ایک طے شدہ رجحان پایا جاتا ہے جس کی وجہ شاید کام کے مواقع کی

کمی ہے اس سے قبل رواں سال کے اوائل میں ایک رپورٹ میں یہ بات سامنے آئی تھی کہ 18۔2017 میں بے روزگاری 45 سال کی بلند ترین سطح پر پہنچ گئی اس حوالے سے افرادی قوت کی مدت سے متعلق جولائی 2017 سے جون 2018 کے درمیان کیے گئے سروے میں بتایا گیا تھا کہ اس عرصے میں بے روز گاری کی شرح 6.1 فیصد رہی جو 73۔1972 کے بعد سے سب سے زیادہ ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…