واشنگٹن (این این آئی) ذلت و رسوائی مودی سرکار کا مقدر بن گئی، ایک کے بعد ایک تصدیق نے مودی سرکار کو منہ چھپانے کے قابل نہ چھوڑا، اب امریکا نے بھی وضاحت کر دی کہ پاکستان نے 27 فروری کو ایف سولہ طیارے استعمال نہیں کئے۔بھارتی ٹی وی کے مطابق مودی سرکار کی جانب سے پاکستان پر ایف 16 کے استعمال کا راگ ا لاپنے کے بعد اب امریکا نے وضاحت کر دی ہے کہ پاکستان سے

ایف 16 طیارے کے استعمال سے متعلق کوئی رابطہ نہیں کیا۔ سفارتی ذرائع کا کہنا تھا پاکستان کو اپنے دفاع کیلئے ایف 16 طیاروں کے استعمال سے نہیں روکا جا سکتا۔ پاکستان نے 27 فروری کو بھارت کے خلاف ایف 16 طیارہ استعمال نہیں کیا، پاکستان نے ایف 16 طیارے اپنے دفاع کیلئے خریدے۔سفارتی ذرائع کا کہنا تھا معاہدہ پاکستان کو اپنے دفاع میں ایف 16 طیاروں کے استعمال سے نہیں روکتا۔

موضوعات:مودی سرکار