بڑا بریک تھرو، افغان صدراشرف غنی حکومت طالبان کے حوالے کرنے پر تیار ہوگئے،بڑا اعلان کردیا

  پیر‬‮ 18 فروری‬‮ 2019  |  18:17
میونخ(این این آئی)افغان صدر اشرف غنی نے کہا ہے کہ اگر افغان عوام طالبان کو منتخب کریں تو وہ بخوشی طالبان کو حکومت دے دیں گے۔میڈیا رپورٹ کے مطابق سیکورٹی کانفرنس میں بات کرتے ہوئے افغان صدر اشرف غنی نے کہا کہ میں ٹینکوں پر بیٹھ کر کسی ملیشیا یا خانہ جنگی کے ذریعے صدارت میں نہیں آیا۔انہوں نے کہا کہ طالبان سے بھی یہی کہنا ہے کہ اپنا منشور افغان عوام کے سامنے پیش کریں پھر اگر عوام انہیں منتخب کرتے ہیںتو ہم بھی اقتدار انہیں سونپنے میں خوشی محسوس کریں گے۔دریں اثناء افغان امن عمل کے امریکی نمائندہ خصوصی زلمے خلیل زاد نے افغان چیف ایگزیکٹو عبداللہ عبداللہ سے ملاقات میں افغان امن عمل میں پیش رفت پر بات کی۔زلمے خلیل زاد نے کابل میں افغان چیف ایگزیکٹوعبداللہ عبداللہ سے ملاقات کی، زلمے خلیل زاد نے عبداللہ عبداللہ کو افغان عمل سے متعلق مختلف ممالک کے دورں کی تفصیلات سے آگاہ کیا اور افغان امن عمل میں پیش رفت بتائی۔

loading...